O‘zbekiston respublikasi oliy va o‘rta maxsus taʼlim vazirligi mirzo ulug‘bek nomidagi o‘zbekiston milliy universiteti

Konteynerli tahlilning afzalliklari
: tahlilning tezligi va xatolikning deyarli 
yo‘qligi (tizim ochiq maʼlumotni maxfiy deb topishi). Bunday usullar baʼzi 
manbalarda "deterministik" deb nomlanadi. 
Konteynerli tahlilning kamchiliklari ham aniq, tizim faqat belgili 
maʼlumotlarga ahamiyat beradi: agar belgi o‘rnatilmagan bo‘lsa, tarkib 
himoyalanmaydi. Yangi va kiruvchi hujjatlarga belgilarni joylashtirish tartibini, 
shuningdek, bufer operatsiyalari, fayl operatsiyalari, vaqtinchalik fayllardan nusxa 

---

151 
ko‘chirish orqali belgili konteynerdan belgisiz konteynerlarga maʼlumotlarning 
uzatilishini oldini olish tizimini ishlab chiqish zarur. 
14.4.2. Kontent tahlili 
Ushbu tahlil usulida, konteynerli usuldan farqli o‘laroq, tarkib qaysi 
konteynerda saqlanishiga umuman farqi yo‘q. Ushbu texnologiyaning maqsadi 
konteyner tarkibidagi yoki aloqa kanali orqali uzatilayotgan kontentni olish hamda 
unda taqiqlangan maʼlumot mavjudligini aniqlashdir. 
Taqiqlangan kontentni aniqlashda qo‘llaniladigan kontent tahlili usullari: 
signaturaga asoslangan usul, regulyar ifodalarga asoslangan usul, statistik tahlil, 
xesh nazoratiga asoslangan usul, lingvistik tahlil
. 
Signaturaga asoslangan usul
– eng oddiy tahlil usuli, maʼlumotlardan 
maʼlum simvollar ketma-ketligini izlashga asoslanadi. Baʼzan taqiqlangan 
simvollarning ketma-ketligi "stop-so‘z" deb nomlanadi, ammo umumiyroq holatda 
so‘z emas, balki ixtiyoriy simvollar to‘plami sifatida qarash mumkin. Ko‘pincha 
matnni tahlil qilishda maʼlum simvollar ketma-ketligini izlash hali ham qo‘llaniladi. 
Aksariyat hollarda signaturali tizimlar bir nechta so‘zlarni izlashga va atamalar 
paydo bo‘lish chastotasiga asoslanadi.
Ushbu usulning afzalliklari qatoriga tilga bo‘gliq emaslik va taqiqlangan 
atamalar lug‘atini to‘ldirish qulayligi kiradi.