Д. Т. Абдукаримов

Селекция усуллари. Тур ичида дурагайлаш.
Маданий кунгабоқар 
популяциялари Россияга келтирилгандан сўнг турли тупроқ иқлим 
шароитларда табиий ва сунъий танлашлар таъсири остида маҳаллий 
популяциялар навлари шакллангандир. Шунинг учун янги навларни яратишда 
тур ичида дурагайлашда эркин (гуруҳли, жуфт) чангланиш ва сунъий 
чанглатиш усуллари қўлланилади. 
Танлаш учун популяциялар ҳосил қилиш мақсадида селекциянинг 
вазифаларига қараб оддий ва мураккаб чатиштиришлар (поғонали, тўйинтириш 
чатиштириш) ўтказилади.
Узоқ шаклларни дурагайлаш.
Келиб чиқиши бир бирига яқин 
бўлганлиги учун популяция навлари ва дурагайларининг ўсимликлари генетик 
жихатдан бир хилиги кунгабоқар касалликларини кўпайишига қулай шароит 
туғдиради. Натижада касалланиш билан бирга охирги йиллар кунгабоқар 
ҳосилдорлиги ошмай балки пасайиши кузатилмоқда.
Кунгабоқарнинг кўп йиллик ѐввойи турлари, айниқса гексаплоид турлар, 
жумладан H. tuberosus иммунитетнинг камдан кам учрайдиган қимматли 
манбаи бўлиб селекцияда кенг қўлланилган. 
Бир йиллик кунгабоқарнинг кўп миқдордаги ѐввойи популяциялари 
чидамлилик доминант генларига эга.
Кунгабоқарнинг узоқ шаклларини дурагайлаш борасида мойли экинлар 
илмий тадқиқот институтида (ВНИИМК) академик В.С. Пустовойт 
раҳбарлигида катта муваффакиятларга эришилган. Айниқса H. annuus билан H. 
tuberosus турларини чатиштириш натижасида кунгабоқарнинг юқори ҳосилли, 
шумғуяга, ун шудринг касаллигига, вертициллез сўлишига, қизил капалак 
(Огневка) га чидамли Оддеская 63, Старт, Юбилейный 60, Прогресс навлари 
яратилди.
H. tuberosus (2n=102) гексаплоид, H.annuus (2n=34) диплоид турларни 
чатиштириш натижасида ҳосил қилинган дурагайларнинг (F
1
) пуштсизлигини 
енгиш учун маданий кунгабоқар билан учинчи (F
3
) пуштидан бошлаб маданий 
шаклли ва гуруҳли иммунитетли дурагай ўсимликларни бир бири билан 
чанглатиш ўтказилади.
Ҳосил қилинган селекцион материал устида ишлаб, провокацион 
(инфекцион) усул ва танлашлар ўтказиш натижасида юқори ҳосилли, шумғуяга 
ва қатор касалликларга чидамли навлар яратилишига эришилади.
Кунгабоқарнинг ѐввойи турларидан селекция ишида айрим хўжалик белги 
ва хусусиятларини яхшилаш мақсадида фойдаланилади. H. tuberosus турининг 
ўзидан чанглатилган линияларининг иштирокида силосбоп Печенег нави 
яратилган. Бу нав кўп шохланувчи, шумғуяга, ун шудринг касаллигига 
чидамлидир.
H. lenticularis X. H. annuus ларни турлараро дурагайлаш асосида 
Солнечный номли нав хили яратилиб тезпишарлик, паст бўйли, юқори ҳосилли 

---

90 
ва кўп мойлилик хусусиятларини мужассам қилинган. Бу нав туп сони кўп 
қилиб қалин жойлашган шароитда яхши натажа берадиган навлардандир.