Д. Т. Абдукаримов

Соянинг морфобиологик хусусиятлари. 
Соя бир йиллик, ўтсимон 
ўсимлик, вегетация даври 75 кундан 200 ва ундан кўп кунгача давом этади. 
 
Илдиз тизими ўқ илдиз. Унинг устки қисмида тупроқнинг 0–10 см қатлами 
ва асосий илдизидан 6–10 см радиусида симбиотик аппарат шаклланади. 
Туганакчалар юмалоқ (шар шаклида), диаметри 2 – 4 мм дан 8 мм гача.
Уруғпаллалари тупроқ юзасига чиқиб туради. Гипоқотиль – яшил ѐки 
бинафаша тусли. Унинг яшил ранглилиги гулининг оқ ранглилиги билан, 
бинафша ранги эса – бинафша ранглилиги билан корреляцияли ҳолатда. 
Ўсимлик бўйи пакана бўйлиларда 20 см дан баланд бўйлиларда 200 см гача 
бўлади. Аксариат навларнинг бўйи 60–180 см. Поясининг хусусиятига қараб 
соянинг шакллари икки гуруҳга бўлинади: 1) детерминант бўлмаган шаклли – 
уларнинг учидаги куртаги ўсувчан ва қулай шароитда поясининг ўсиши ва янги 
генератив органларини ҳосил бўлиши узоқ давом этади; 2) детерминант шаклли 
– пояси гул шингили билан тугайдиган, поянинг ўсиши устки шингилни 
шаклланиши билан тугайди, улар биринчиларига нисбатан кучлироқ ўсади ва 
кўпроқ ҳосил қилади ҳамда бу шаклдаги соя эртапишар бўлиб ҳисобланади.
Жаҳон селекциясида соянинг мавжуд навларини детерминант шаклига 
ўтказиш ҳаракатлари килинмоқда.
Соянинг аксариат шаклларининг пояси, шохлари ва барг бандлари қўнғир, 
сариқ ѐки бўз тукчалар билан қопланган. Рангланиши унинг генотипига боғлик.
Барглари мураккаб, уч баргчали текис қирғоқли. Баргларнинг узунлиги 4–
18 см, эни 1,4–12 см, шакли кенг тухумсимон шаклидан – ланцет шаклигача, 

---

54 
устки юзаси силлиқ ѐки енгил пуфакчали чўтир. Пишганда барглари сариқ 
рангли бўлиб тўқилади, айрим навларнинг поясида сақланиши мумкин.
Соянинг гуллари майда,
деярли хидсиз (шунинг учун соя гулига 
ҳашоратлар кам учиб келади), барг қўлтиғида шингил бўлиб жойлашган. 
Тугунчаси бир мева баргчали, бир уяли бўлиб, унда бир неча уруғ куртаги 
ривожланиб ҳосил бўлади. Уруғчининг бўйни (пойчаси) баланд эмас, бирмунча 
эгилган, тумшуқчаси кенгайган, ясси ѐпишқоқ. (2–расм)