M. DÁWletov, A. DÁWletov, Z. IsMAylova, A. DÁWletova

184-shınıǵıw.
Oqıń. Bas aǵzalardıń qanday sóz shaqaplarınan 
bolǵanın hám baslawısh penen bayanlawıshtıń arasına sızıqshanıń 
qoyılıw sebeplerin aytıp beriń.
1. Ámiwdiń tolqını — tabıs tolqını. 
(A. D.)
2. Miy-
net — baxıt hám húrmetli dańqımız. 
(N. J.)
3. Kúndiz — ıssı, 
túnde — suwıq. 4. Bizlerdiń densawlıǵımız — elimizdiń baylıǵı 
bul. 
(Sh. A.) 
5. Báhár — sulıwlıqtıń baslawshısı. Sulıwlıq — qızlar 
jılwası, qızlar kúlkisi. 
(G. E.) 
6. Jeti jerdegi jeti — qırq toǵız. 
7. Ósip kiyatırǵan jas áwladlardı turmısqa tayarlaw — ulıwma 
xalıqlıq is. 
(Gazetadan) 
8. Esapqa alıw—mámleketlik is. Meniń 
maqsetim — oqıw. 
(«E. Q.») 
9. Mekteptiń baǵı — usı. 10. — Kim 
Asanbaev Qazanqap? Men — Asanbaev. 
(Sh. A.)
185-shınıǵıw.
Berilgen gáplerdi irkilis belgilerin qoyıp kóshirip 
jazıń. Tallaw úlgisi boyınsha bas aǵzalardıń astın sızıń hám olardıń 
qanday sóz shaqaplarınan bolǵanın aytıń.
1. Densawlıq tereń baylıq. 2. Dene shınıqtırıw densaw-
lıqtıń girewi. 3. Súyektiń kómiwsiz dúzde qalǵanı bul hám-
meniń betine shirkew salatuǵın tańba edi. 
(Sh. A.)
4. Biziń 
jumısımız joldı tazalaw. 
(Sh. A.)
5. Jaqsı sóz jarım ırıs. 
(Naqıl)
6. Jeti jıynaqlaw san. 8. Tárbiya balanıń keleshegi.
186-shınıǵıw
. 
Qosıqtı oqıń. Ondaǵı baslawısh hám bayan-
lawıshlardı tawıp, olardıń qanday sóz shaqabı arqalı bildirilgenin 
hám sızıqshanıń qoyılıw sebebin túsindiriń.
1. Bizde sóz bar: miyman — ırıs, bereket,
Qonaq kútiw — ziyneti hár adamnıń.
2. Náreste — ol adamnıń eń úlkeni,
Kim bolsań da, sen balasań keshegi.
Shesheń bul turısında tuwmaǵan seni,
Ǵarrılar da bala bolǵan desedi.
3. Náreste — ómirdiń júregi, demi,
Ele bult kórmegen, ol bir altın tań.
Náreste — adamnıń tuńǵısh qádemi,
Sońǵı qádemiń de aparar oǵan.
(
I.
Y
.)

---

103
187-shınıǵıw.
Tórt pasıldı súwretlep, shıǵarma jazıń. Jıl máwsim-
leriniń ózine tán bir-birinen ózgesheligin, olardaǵı adamlardıń 
táshwishleri, tábiyat kórinisleri t.b. sıyaqlı kórinisleri kórkem ádebiy 
stilde súwretlengen bolsın. Temasın ózlerińiz atań.