M. DÁWletov, A. DÁWletov, Z. IsMAylova, A. DÁWletova

181-shınıǵıw.
Oqıń. Bas aǵzalardı tawıp, olardıń qalay (qaysı 
bette, qaysı sanda hám qaysı túrde) baylanısıp kelgenin aytıń.
1. Bizler bul kitaptı aldıq. 2. Sizler óz úlkeńizdiń 
tariyxınan jańa bet ashatuǵın boldıńız. 3. Biz házir bir 
tıyanaqlı juwmaqqa keldik. 4. Bizler Shirikqalaǵa baramız. 
5. Sizlerdiń tawıp alǵan zatlarıńızǵa izertlew júrgizemiz. 6. Sol 
waqıtta sizler bizlerge — ilimpazlarǵa járdem beretuǵın bolasız. 
7. Ilyas kúlimsirewi menen stoldıń bir shetine keldi. 8. Ol 
bunnan keyin azmaz oylanıp qaldı. 9. Men jıyında sóylep 
kórgen emespen. 10. Sen tańnıń atqanına qayılshılıǵım joq 
deyseń. Meniń kúnniń batqanına ırazıshılıǵım joq. 
(Ó. X.)
182-shınıǵıw.
Berilgen gáplerdi eki bas aǵzalı keńeytilmegen gáp 
etip kóshirip jazıń. Bas aǵzalardıń astın tallaw úlgisi boyınsha sızıp, 
olardıń baylanısıw usılın (qaysı bette, qaysı sanda ekenin) aytıń. 
Eger baslawıshı berilmegen bolsa, bayanlawıshı arqalı baslawıshın 
tawıp jazıń.
1. Oksana ekewimiz de izlep atırmız. 2. Bizler alma nál-
lerin alıp keldik. 3. Sen búgin júdá jaqsı jumıs islediń. 4. Men 
basımdı kórpe menen japtım. 5. Sizler biziń dáryanı kórgen 
joq shıǵarsızlar. 6. Ol tap Farittiń sharbaǵınıń qasınan ótip, 
jaylawlarǵa qaray burıladı. 7. Bizler ızǵar qumda izlerimizdi 
qaldırıp, dárya boyına qıdırdıq. 8. Onnan keyin dáryaǵa jal-
paq tas ılaqtırıp «suw qaymaq» oynadıq. 9. Jalpaq tas suwdıń 
betinde neshe ret sekirse, sonsha bilezik nan jeyseń.
183-shınıǵıw.
Tómendegi berilgen sózlerdi baslawısh etip, gáp 
dúziń. Dúzgen gáplerińizde jay gáplerdiń keńeytilmegen túrlerin
esapqa alıń. Baslawısh hám bayanlawıshtıń qalay baylanısıp kelgenin 
túsindiriń.

---

101
S ó z l e r :
men, sen, bizler, olar, ol, sizler, Abat, 
oqıwshılar, ata-ana, bizler ekewimiz.