O’zbekiston respublikasining soliq kodeksi I bo’lim. Umumiy qoidalar

47-modda. Royalti 
 
Har qanday nomoddiy aktivdan foydalanganlik uchun yoki foydalanish huquqi 
uchun to’lovlar, shu jumladan quyidagi aktivlardan foydalanganlik uchun 
(foydalanish huquqi) uchun to’lovlar ushbu Kodeks maqsadlarida royalti deb e’tirof 
etiladi: 
1) san’at, adabiyot, fan, shu jumladan dasturiy ta’minot va ma’lumotlar 
bazalariga, chizmaga, dizaynga yoki modelga, rejaga, maxfiy formulaga, 
texnologiyaga yoki audiovizual asarlarga hamda turdosh huquqlar ob’ektlariga, shu 
jumladan ijrolar va fonogrammalarga bo’lgan mualliflik huquqlaridan; 
2) patentlardan, tovar belgilaridan, savdo markalaridan yoki huquqning boshqa 
shunga o’xshash turlaridan; 
3) sanoat, tijorat yoki ilmiy tajribaga taalluqli axborotdan (nou-xaudan) 
foydalanganlik. 
Bunda ilmiy-texnika sohasidagi intellektual faoliyat natijalari to’g’risidagi va 
(yoki) kasbiy faoliyatni amalga oshirish usullari to’g’risidagi, iqtisodiy faoliyatda 
amaliy jihatdan qo’llaniladigan, shuningdek o’zining uchinchi shaxslarga ma’lum 
emasligi tufayli tijorat qimmatiga (haqiqiy yoki potentsial) ega bo’lgan sanoat, 
tijorat yoki ilmiy xususiyatga ega axborotdan qonuniy asosda erkin foydalanish 
imkoniyati uchinchi shaxslarda mavjud bo’lmasa va uning oshkor etilishi natijasida 
iqtisodiy naf olish mumkin bo’lsa, bu axborot nou-xau deb tushunildi. Bunda 
shunday axborotning egasi uning maxfiyligiga rioya etilishi, shu jumladan tijorat siri 
rejimini joriy etish yo’li bilan rioya etilishi uchun choralar ko’radi. 
Ushbu Kodeks maqsadlarida foydali qazilmalarni kavlab olish va (yoki) 
texnogen hosilalarni qayta ishlashi jarayonida er qa’ridan foydalanganlik huquqi 
uchun to’lovlar ham royalti deb e’tirof etiladi.
Quyidagilar uchun to’lanadigan to’lovlar royalti sifatida qaralmaydi: 
1) kompyuter dasturlaridan foydalanganlik uchun (shu jumladan dasturni 
joylashtirilgan ichki imkoniyatlardan foydalangan holda sozlash yo’li bilan 
moslashtirish), agar foydalanish shartlari bunday dasturning mo’ljallangan vazifaviy 
maqsadi bilan cheklangan va uni takrorlash bunday foydalanish uchun zarur bo’lgan 
ko’chirma nusxalar bilan chegaralangan bo’lsa;
2) ushbu moddaning 1-bandida belgilangan intellektual mulk ob’ektlari aks 
ettirilgan yoki turgan tovarlarni (shu jumladan axborot tashuvchilarni) shaxsning 
foydalanishi, egalik qilishi va (yoki) tasarruf etishi uchun olganlik uchun; 
3) kompyuter dasturlarini va ma’lumotlar bazalarini (hisoblash texnikasining 
dasturiy vositalarini va axborot mahsulotlarini) ishlab chiqish, shuningdek 
dasturlarni o’rnatish, ularga ishlov berish va ularni sozlash, moslashtirish va 
modifikatsiyalash bo’yicha xizmatlar ko’rsatganlik uchun; 

---

41 
4) buyurtmachi bilan tuzilgan shartnoma asosida xizmatlar ko’rsatish natijasi 
bo’lgan, yangi olingan, sanoat, tijorat yoki ilmiy xususiyatga ega bo’lgan axborotdan 
foydalanganlik uchun; 
5) dasturiy mahsulotning nusxalarini ularni takrorlash huquqisiz yoki agar 
ularni takrorlash yakuniy iste’molchi tomonidan foydalanish bilan cheklangan 
bo’lsa, tarqatishga bo’lgan huquqni o’tkazganlik uchun.