1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Jamoatchilik va OAV uchun tadbirlar o‘tkazish.
Bu faoliyat turfirmalarda 
PR bo‘yicha mutaxassisning o‘ta muhim vazifalaridan biridir, shu tufayli bunday 
tadbirlarni sifatli o‘tkazish turfirmaning obro‘-e’tiborining shakllanishida hal qiluvchi 
ahamiyatga ega. Matbuot anjumanlarini tayyorlash va olib borish bo‘yicha batafsil 

---

160 
yo‘riqnoma, tarqatadigan materiallar turini tavsiflash, ifodalab berish hamda ularni 
tayyorlash bo‘yicha aniq tavsiyalar muvaffaqiyatli faoliyat garovi bo‘ladi.
Press-reliz yozish bo‘yicha tushuntirishlar, ularning namunalari maqsadli 
auditoriya bilan yaxshi munosabat o‘rnatishga yordam beradi. Bu kabi tadbirlarni 
o‘tkazishda yo‘l qo‘yiladigan oddiy xatolar tahlil qilinadi. Bir qarashda, maqsadli 
auditoriya uchun tashkil etiladigan barcha tadbirlar bir-biriga o‘xshaydi. Yagona 
maqsadli auditoriya o‘z qonun va tartiblarini o‘tkazishga harakat qiladi. Axborot 
berish bilan bog‘liq har bir tadbir o‘zining boshqalardan mutlaqo farq qiladigan 
yondashuvlari, e’tibor qaratiladigan jihatlari, ta’sir qilish vositalariga ega. 
Matbuot anjumani. 
Matbuot anjumani, bu – maqsadli auditoriya vakillari 
uchun tashkil etiladigan tadbir bo‘lib, unda turoperator faoliyatining ijtimoiy 
ahamiyatga ega bo‘lgan axborot va yangiliklar vakolatga ega kishilarning sharhi bilan 
beriladi. Matbuot anjumani o‘rtacha 45 – 60 daqiqa davom etadi. Maqsadli 
auditoriyaga aytmoqchi va yetkazmoqchi bo‘lgan yangilik yoki biror axborot bo‘lsa, 
yuz bergan vaziyatni tushuntirishmoqchi bo‘lsangiz va bu jamoatchilik uchun muhim 
bo‘lsa, matbuot anjumani xabar yetkazishning eng maqbul shaklidir. Matbuot esa, o‘z 
navbatida, turli kommunikatsiya kanallari orqali bu yangilik yoki xabarni 
jamoatchilikka ma’lum qiladi. 
Brifing
(inglizcha to brief – qisqacha ma’lumot berish)
. 
Matbuot anjumanidan 
farqli o‘laroq, brifing dolzarb yangilikni tezlik bilan tarqatish va uni qisqacha qilib 
maqsadli auditoriya vakillariga bayon qilish uchun tashkil etiladi. Brifing 15 – 20 
daqiqa davom etadi. Turoperator faoliyati, faoliyat yo‘nalishlari bo‘yicha olingan 
natijalar to‘g‘risidagi muhim ma’lumotni, bu haqda iste’molchilar, mahalliy 
organlarning rasmiy fikrini, ya’ni muqaddam hech qayerda ma’lum qilinmagan 
xabarni maqsadli auditoriya vakillariga yetkazish uchun brifingdan foydalaniladi. 
Maqsadli auditoriya vakillariga turoperator faoliyatida yuzaga kelgan muammo 
to‘g‘risida ma’lumot va rasmiy shaxsning fikridan iborat yangilikni yetkazish uchun 
brifing eng qulay tadbirdir. Odatda, brifingda ishtirokchilarning bir necha 
savollarigagina javob beriladi.