Kasimova Gulyar Axmatovna Sholdarov Dilshod Azimiddin o’g’li

«Mobi Tel Inform‖» 
MChJning 
tashkiliy-texnik 
ko’magi asosida 2017 yil 1 fevraldan Pensiya jamg’armasi tomonidan pensiya va 
nafaqalarni oluvchi shaxslarga 
SMSPensiya
interaktiv xizmati taqdim etila 
boshlandi. Ish haqi, pensiya, nafaqa va stipendiyalarning o’z vaqtida va to’liq 
to’lanishida qonunchilik normalariga amal qilinishi O’zbekiston Respublikasi 
Bosh prokuraturasi tomonidan qat’iy nazoratga olindi. Shuningdek, pensiya va 
nafaqalarni tayinlash va to’lovlarning o’z vaqtida amalga oshirilishi ustidan 
nazoratni kuchaytirish maqsadida (1140 qisqa raqamli) ―ishonch telefoni joriy 
qilindi.
3.3.O’zbekiston Respublikasi “Fuqarolarning davlat pensiya ta’minoti 
to’g’risida”gi Qonunining mazmuni va ahamiyati 
 
Ijtimoiy siyosatning zaruriyati mamlakatda amalga oshirilayotgan keng ko’lamli 
islohotlar jarayonida aholi uchun ijtimoiy qiyinchiliklarni engillashtirish bilan 
bog’liq. Har qanday jamiyatda shunday shaxslar toifasi doimo mavjudki, ular 
ob’ektiv sabablarga ko’ra (pensiya yoshi, sog’lig’i, ishsizlik darajasi), ishlab 
chiqarishda ishtirok eta olishmaydi. Respublikamizda davlat pensiya ta’minoti 
tizimini takomillashtirish,pensionerlar xuquqlarini himoya qilish, ularning moddiy 
farovonligini oshirish va ijtimoiy adolat tamoyillarini mustahkamlashda 1993 yilda 
qabul qilingan O’zbekiston Respublikasining “Fuqarolarning davlat pensiya 
ta’minoti to’g’risida”gi Qonuni muhim huquqiy asos bo’lib xizmat qilmoqda.
Qonun bilan davlat pensiyalarining quyidagi turlari belgilanadi: yoshga doir 
pensiya; nogironlik pensiyasi; boquvchisini yo’qotganlik pensiyasi. Respublika 
hududidan tashqarida yashab turgan O’zbekiston Respublikasining fuqarolarini 
pensiya bilan ta’minlash davlatlararo bitimlar (shartnomalar) asosida amalga 

---

84 
oshiriladi. Ish stajiga ega bo’lmagan fuqarolar va ularning oilalari ushbu Qonunga 
binoan davlat pensiyalari olish huquqiga ega emas, ularning ijtimoiy ta’minot 
tartibini O’zbekiston Respublikasi Vazirlar Mahkamasi belgilaydi.