Maxsus qism iqtisodiyot sohasidagi jinoyatlar. Ekologiya sohasidagi jinoyatlar

9-§. Yolg‘on xabar berish (JK 237-moddasi) 
Jinoyatning
 bevosita obyekti
odil sudlov organlarining normal faoliyati, 
fuqarolarning qonun bilan himoya qilinadigan huquq va manfaatlari 
hisoblanadi. 
Obyektiv tomondan 
jinoyat to‘g‘risida bila turib, jinoyat sodir etilgani 
haqida yolg‘on xabar berishda ifodalanadi. 
Yolg‘on xabar berish
deganda, yozma yoki og‘zaki ravishda bevosita 
aybdor yoki boshqa shaxs tomonidan sodir etilgan, tugallangan jinoyat 
haqidagi yoki jinoyatga tayyorgarlik ko‘rilayotganligi yoxud tajovuz 
haqidagi haqiqatga to‘g‘ri kelmaydigan xabar berishni tushunish zarur. 
Odatda, bunday xabarlar jinoiy ish qo‘zg‘atish huquqiga ega bo‘lgan 
idoralarga kelib tushadi. Prokuratura, Davlat xavfsizlik xizmati, soliq 
organlari, davlat hokimiyati organlari va hokazolar shular jumlasidandir.
Yolg‘on xabarda aybdor tomonidan jinoyatni sodir etgan shaxs 
ko‘rsatilishi yoxud jinoyat sodir etilganligi haqidagi fakt ma’lum qilinishi 
mumkin.
Bila turib yolg‘on xabar berish oqibatlari (jinoiy ish qo‘zg‘atilgani yoki 
qo‘zg‘atilmagani)dan qat’i nazar, bu qilmish tegishli organlarga xabar 
qilingan paytdan e’tiboran 
tugallangan 
deb hisoblanadi. 
Subyektiv tomondan 
jinoyat 
to‘g‘ri qasd
bilan sodir etiladi. Yolg‘on 
xabar bergan shaxs o‘zi ma’lum qilgan ma’lumotlarning haqiqatga to‘g‘ri 
kelmasligini yaxshi bilishi lozim. Aybdor xabar qilingan axborotni 
baholashda haqiqatdan ham adashgan bo‘lsa, uni sharhlanayotgan modda 
bo‘yicha javobgarlikka tortib bo‘lmaydi.
Yolg‘on xabar berilishining 
motivlari 
har xil: bir-birini ko‘ra olmaslik, 
o‘ch olish, hasad, g‘arazgo‘ylik bo‘lishi mumkin.
Bila turib yolg‘on xabar berishdan ko‘zlangan 
maqsad
, aksariyat 
hollarda, jinoyatni sodir etishda ayblanayotgan shaxsga nisbatan jinoyat 
ishi qo‘zg‘atish xohishidir.
Jinoyatning