Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Moddiy yordam (nafaqa)
– ijtimoiy ta’minotning shakllaridan biri 
bo‘lib, ijtimoiy sug‘urta yoki davlat Budjeti mablag‘laridan doimiy yoki 
260 

---

bir martalik to‘lovlardan iborat. Amaldagi qonun hujjatlariga asosan 
ishsizlik nafaqasi, bolani ikki yoshga to‘lgungacha parvarish qilish 
bo‘yicha oylik nafaqa, bola tug‘ilishida beriladigan bir martalik moddiy 
yordam, vaqtincha mehnatga qobiliyatsizlik nafaqalari va shu kabi 
to‘lovlarni amalga oshirish belgilanadi. 
Stipendiya 
– ishlab chiqarishdan ajralgan holda (kunduzgi ta’lim shakli) 
oliy va o‘rta maxsus ta’lim muassasalarida tahsil oladiganlarga, qonunda 
belgilangan boshqa to‘lovlardan qat’i nazar, to‘lanadigan oylik pul to‘lovi. 
Stipendiya ta’lim olishning moddiy rag‘bati, davlat ta’lim dargohlarida 
o‘qiydigan yoshlarning ijtimoiy muhofaza qilish vositasi hisoblanadi. 
Ish haqi, nafaqalar, stipendiyalar va ularga tenglashtirilgan 
boshqa 
to‘lovlar
deganda qonunda belgilangan hamda qayd etilgan to‘lovlarga 
o‘xshash tarzda, birinchi navbatda, birlamchi xarajatlarni teng darajada 
qoplashni ta’minlaydigan (proportsional tartib) shartlarda amalga 
oshiriladigan to‘lovlarni tushunish lozim. Bunday to‘lovlarga milliy 
qonunchilik harbiy xizmatchilarning pul ta’minoti, moddiy yordam 
berishga oid to‘lovlar, aliment majburiyatlaridan kelib chiqadigan 
to‘lovlar, mayib bo‘lishi yoki sog‘liqqa boshqacha tarzda shikast etishi, 
boquvchining o‘limi munosabati bilan to‘lanadigan to‘lovlar, mualliflik 
shartnomasi bo‘yicha mukofot puli, xizmat safari xarajatlari va 
boshqalarni kiritadi. 
Xarajatlar turlari ro‘yxati, Budjet intizomini buzish deb tan olinadigan 
asossiz ravishda pul mablag‘larini kechiktirish qonunda tugal tarzda 
belgilanib, kengaytirilib sharhlanishi mumkin emas. Shunga ko‘ra, bank 
rahbari yoki boshqa mansabdor shaxslari tomonidan yuqoridagi turdagi 
xarajatlar sirasiga kirmaydigan boshqa mablag‘lar, masalan, navbatdan 
tashqari xarajatlar yuzasidan to‘lovlar yoki kapital ta’mir va hokazo uchun 
mo‘ljallangan mablag‘lar berilishi kechiktirilsa, aybdorlarning harakatlari 
mazkur modda bilan kvalifikatsiya qilinishi mumkin emas. 
Jinoyat kodeksining 192
7
-moddasida ko‘zda tutilgan jinoyat