Maxsus qism iqtisodiyot sohasidagi jinoyatlar. Ekologiya sohasidagi jinoyatlar

muqobil tekshirish
– operatsiyalar birligi tufayli o‘zaro bog‘liq bo‘lgan 
va turli xo‘jalik yurituvchi subyektlardagi yoki bir xo‘jalik yurituvchi 
subyektning turli bo‘linmalaridagi hujjatlarni taqqoslashdan iborat 
tekshiruv; 
nazorat tartibida tekshirish 
– xo‘jalik yurituvchi subyektlarning 
ilgarigi tekshirishda ko‘rsatilgan qoidabuzarliklarni bartaraf etishi ustidan 
nazorat qiluvchi organlar amalga oshiradigan tekshirish. 
250 

---

Tekshirishlarni qayd etish daftari 
– bu o‘tkazilgan tekshirishlar 
to‘g‘risidagi axborot yozib qo‘yiladigan maxsus daftar bo‘lib, unda 
tekshirish o‘tkaziladigan sanalar, tekshirish o‘tkazish asosi va tekshirish 
o‘tkazish to‘g‘risida chiqarilgan hujjat hamda uning raqamlari 
rasmiylashtiriladi. 
Jinoyat tadbirkorlik subyektlarining faoliyatini tekshirishning va moliya-
xo‘jalik faoliyatini taftish qilishning belgilangan tartibini buzish, 
shuningdek tadbirkorlik subyektlari faoliyatini qonunga xilof ravishda 
tekshirish tashabbusi bilan chiqish va (yoki) o‘tkazish vaqtidan boshlab 
tamomlangan hisoblanadi. Jinoyatni tamomlangan deb topish uchun 
muayyan oqibatlarning kelib chiqishi shart emas. 
JKning 192
2
-moddasi ma’muriy preyuditsiyaga ega. 
Jinoyat 
subyektiv tomondan
qasddan, xususan, to‘g‘ri qasd bilan sodir 
etiladi. Shaxs tadbirkorlik subyektlarining moliya-xo‘jalik faoliyatini 
taftish qilishning belgilangan tartibini buzayotganligini, shuningdek 
tadbirkorlik subyektlari faoliyatini qonunga xilof ravishda tekshirish 
tashabbusi bilan chiqayotgani va (yoki) o‘tkazayotganini anglaydi, biladi 
va buni o‘z xohishi asosida amalga oshiradi. 
Jinoyatning motivi va maqsadi qilmishni kvalifikatsiya qilishga ta’sir 
qilmaydi. 
Jinoyatning 
subyekti
faqat maxsus subyekt bo‘lib, tegishli tadbirkorlik 
subyektlarining faoliyatini tekshirish va moliya-xo‘jalik faoliyatini taftish 
qilish vakolatiga ega bo‘lgan nazorat qiluvchi organning