Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Sifatsiz yoki qalbakilashtirilgan dori vositalari va tibbiy buyumlar 
— milliy farmakopeya, farmakopeya maqolasi, retseptlar va standart 
yozuvlarda aks ettirilgan sifat va xavfsizlikka qo‘yiladigan talablarga 
javob bermaydigan yoki O‘zbekiston Respublikasida davlat ro‘yxatidan 
o‘tkazilmagan yoxud O‘zbekiston Respublikasida ro‘yxatdan o‘tkazilgan 
dori vositalari va tibbiy buyumlarning qalbakisi yoki g‘ayriqonuniy 
nusxasi bo‘lgan yoxud muddati o‘tgan dori vositalari va tibbiy buyumlar. 
Obyektiv tomonidan 
tahlil qilinayotgan jinoyat sifatsiz yoki 
qalbakilashtirilgan dori vositalari yoki tibbiy buyumlarni o‘tkazish 
maqsadini ko‘zlab ishlab chiqarish, tayyorlash, olish, saqlash, tashish 
213 

---

yoxud o‘tkazishshuningdek dori vositalarini dorixonalardan va ularning 
filiallaridan tashqarida realizatsiya qilishdan iborat. 
Ishlab chiqarish 
— sifatsiz yoki qalbakilashtirilgan dori vositalarini 
(tibbiy buyumlarni) ko‘plab hosil qilish, shu jumladan to‘liq texnologik 
turkum yoki uning ayrim bosqichlari, xususan, dori vositalarini sintez 
(biosintez) qilish, ekstraksiyalash, tozalash, ularga ishlov berish, ularni 
qadoqlash, idishga joylash-o‘rash va ularni markalash bosqichlari bo‘yicha 
hosil qilish. 
O‘zbekiston Respublikasida 
dori vositalarining, tibbiy buyumlarning 
davlat reyestri 
mavjud. U rasmiy hujjat bo‘lib, tibbiyot amaliyotida 
qo‘llashga ruxsat etilgan dori vositalari, tibbiy buyumlar ro‘yxatidan 
iborat. Davlat reyestridan chiqarilgan dori vositalari va tibbiy buyumlarni 
ishlab chiqarish taqiqlanadi. 
Ko‘rib chiqilayotgan modda nuqtai nazaridan 
tayyorlash 
deganda, 
sifatsiz yoki qalbakilashtirilgan dori vositalarini dori substansiyalaridan 
(kelib chiqishi tabiiy va sun’iy bo‘lgan biologik faol moddalar) va 
yordamchi 
moddlardan tayyorlashga, shuningdek, sifatsiz yoki 
qalbakilashtirilgan bog‘lash va tikish materiallari, shpritslar yoxud boshqa 
tibbiy buyumlarni tegishli ashyo va materiallardan tayyorlashga 
yo‘naltirilgan aybdor shaxsning barcha xatti-harakatlari tushuniladi. 
«Dori vositalari va farmatsevtika faoliyati to‘g‘risida»gi Qonunning
8-moddasiga muvofiq, dori vositalari dorixonalarda, O‘zbekiston 
Respublikasi Sog‘liqni saqlash vazirligi tomonidan qo‘llashga ruxsat 
etilgan dori vositalaridan (substansiyalaridan) va yordamchi moddalardan 
tayyorlanadi. Aks holda, tayyorlangan dori vositasi sifatsiz 
(qalbakilashtirilgan), deb e’tirof etilishi lozim. 
Sifatsiz yoki qalbakilashtirilgan dori vositalari yoki tibbiy buyumlarni 
olish deganda, mazkur predmetlarni sotib olish, boshqa narsa va 
buyumlarga almashtirish, qarzga yoki hadyaga olish, qarzi evaziga olish, 
topib olingan sifatsiz yoki qalbakilashtirilgan dori vositalari yoki tibbiy 
buyumlarni o‘zlashtirish tushuniladi.