M. R. Tursunova xalqaro menejment

Nazorat savollari: 
1. Xalqaro kompaniya yangi bozorga chiqishi uchun qanday izlanishlar olib boradi? 
2. Qabul qiluvchi mamlakatda raqobatbardoshlik darajasini ushlab turish omillari 
nimalardan iborat? 
3. Xorijiy sherikni tanlash xususiyatlari nimada? 
4. Ko’pmillatli va global tarmoqlar deganda nimani tushunasiz? 
5. Chet elda tadbirkorlik faoliyati sharoitlarini asosan qaysi aspektlarda ko’rib chiqish 
zarur? 
6. Korxonalar TIF asosiy shakllarining afzalliklari va kamchiliklari nimalardan 
iborat? 
4-BOB. XALQARO IQTISODIY INTEGRATSIYA VA XORIJIY 
TADBIRKORLIKNING RIVOJLANISHI. 
 
52 

---

 Reja: 
4.1. Xalqaro iqtisodiy integratsiya mohiyati. 
4.2. Mikro va makro miqyosdagi integratsion jarayonlar. 
4.3. NAFTAda xalqaro kompaniyalarning imkoniyatlari.
4.4. ASEAN da xalqaro kompaniyalarning imkoniyatlari .
4.5. MERKOSURda xalqaro kompaniyalarning imkoniyatlari .
4.6. O’zbekistonning mintaqaviy integratsiya jarayonlaridagi ishtiroki va 
TMKlarning imkoniyatlari.
Tayanch iboralar: 
Xalqaro iqtisodiy integratsiya, integratsiya jarayoni dinamikasi ko’rsatkichlari, 
preferentsiyalarning umumiy tizimi, eksportni “ixtiyoriy” cheklash, NAFTA, ASEAN, 
MERKOSUR. 
4.1. Xalqaro iqtisodiy integratsiya 
Xalqaro iqtisodiy integratsiya
– bu milliy xo’jaliklar (davlatlar) o’rtasida o’zaro 
ko’p tomonlama barqaror aloqalarning rivojlanishi va mehnat taqsimoti negizida yuzaga 
kelgan mamlakatlarning iqtisodiy, ijtimoiy-siyosiy va madaniy jihatdan birlashuvi bo’lib, 
ishlab chiqarish tarmoqlarining turli darajada va turli ko’rinishdagi o’zaro aloqadorligini 
ifoda etadi. Integratsiya - jahon mamlakatlari o’rtasida yangi tovarlar oqimini 
shakllantirish orqali "resurslar cheklanganligi" muammosini bartaraf etish yo’li. Bu orqali 
jahon mamlakatlarida nisbatan serxarajat tovarlar ishlab chiqarishga chek qo’yilib, 
texnologik ayirboshlashni kengaytirish imkoniyatini beradi, ya’ni, ITTKIga xarajatlarni 
kamaytirish imkonini beradi.