vdemonizm
(grech. ευδαιμονία –
barqarorlik, huzurbaxshlik, baxt) – inson asosiy faoliyatining baxtga
erishuvga intilishi bilan bogʻliq boʻlgan axloqshunoslik yoʻnalishlardan biri
sanaladi.
Evdemonizm yoʻnalishi namoyondalari qarashlarida inson uchun eng
buyuk ne‘mat baxt sanaladi. Uning asosida yunon faylasufi Arastuning baxt
hakidagi ta‘limoti yotadi. Uning fikricha baxt bu «biz doimo uning oʻzi
uchun oʻzini tanlaydigan, boshqa narsa uchun uni tanlamaydigan» axloqiy
tushunchadir. Oʻrta asrlar tafakkurida evdemonizm (baxtga etishuv ta‘limoti)
1
Vvedeniye v osnovaniya nravstvennosti i zakonodatelstva = An introduction to the principles of morals and
legislation / I. Bentam. — M.: ROSSPEN, 1998. — 415 s. — (Istoriya polit. misli). ISBN 5-86004-166-7
451
Foma Akvinskiy ta‘limotiga yoʻnaltirilgan boʻlib, yuksak baxt Xudoni
anglash va hayoti davomida Uni tan olmoqdir, degan gʻoya‘ni tasdiqlar edi.
Falsafa qomusiy lugʻatida bu yoʻnalishga shunday ta‘rif berilgan:
―Evdemonizm yunoncha baxt - saodat, rohat - farogʻatni kishilar hayotining
oliy maqsadi, deb hisoblaydigan axloqiy yoʻnalish. Evdemonizm yunon
etikasining asosiy prinsiplaridan biri boʻlib, u Suqrotning shaxsning ichki
erkinligi, tashqi dunyoga qaram emasligi toʻgʻrisidagi gʻoyasi bilan uzviy
bogʻliq. Evdemonizm baxt-saodatni ma‘naviy huzur, lazzat bilan
tenglashtirmaydi, balki uni keng ma‘noda, jismoniy va ma‘naviy
qadriyatlarning majmui tarzida tushuniladi.‖
1
Evdemonizm yoʻnalishidagi huzurbaxshlik ta‘limotini yoqlovchilar
epikur, Gassendi, Lametri, Volter, Golbaxlar baxt va huzurbaxshlikni
uygʻunlashtiradilar. Ammo gedonizmdan farqli oʻlaroq huzurbaxshlik bu
erda insonning axloqiy faoliyati bilan bevosita bogʻlanadi. Misol uchun,
epikur nazdida yuksak darajadagi huzur tuban jismoniy lazzatda emas, balki
nafis ma‘naviylikdadir. Faqatgina mutlaq sokinlik va ataraksiya holatidagina
inson haqiqiy baxt egasiga aylanadi.
Ammo asosiy evdemonizm yoʻnalishi tanqidchilaridan Immannuel
Kant haqiqiy axloqiy faoliyatning asosida baxt emas, burch turishini
ta‘kidlaydi.
Zamonaviy ruhshunoslikda bu yoʻnalish ijobiy, amaliy ruhshunos lik
sifatida evdemonizm haqidagi qadimgi yunon faylasuflarining ta‘limotini
oʻrganmoqda.
Sharq falsafasiga esa, baxtga erishuv hakidagi bu ta‘limotni
buddhachilikning nirvanaga erishish uchun barcha iztiroblardan qutulishga
intilish va shu bilan toʻlaqonli baxtga erishuvga nisbat beriladi. Dalay-Lama
(XIV) qarashlari «Inson hayotining asosiy maqsadi - baxtdir. Bu shubhasiz.
Biz qanday e‘tiqoddaligimizdan qat‘iy nazar – dahriy yo Xudoga
ishonamizmi yoʻqmi, buddhachi yo nasroniy, –barchamiz hayotda eng yaxshi
narsani izlaymiz. shu tariqa, mening fikrimcha, hayotimizdagi asosiy
faoliyatimiz – bu baxtga intilishdir»
2
. L.A.Seneka yaxshilikning oʻzi baxtli
boʻlish uchun etarlidir, deb hisoblasa, Spinoza baxt – yaxshilik uchun
qilingan mukofot emas, balki ezgulikning oʻzidir, degan xulosaga keladi.
Yuqoridagi mutafakkirlarning qarashlaridan xulosa yasa‘ydigan
boʻlsak, inson haqiqiy baxtli boʻlgandagina huzurbaxshlikka erishadi. Baxt
esa, avvalambor axloqiy faoliyat bilan chambarchas bogʻliqdir.
Biz yuqori da keltirgan fikrlarda axloq tushunchasining ta‘rifi, axloqni
fanning tadqiqot obyekti sifatida toʻxtalib oʻtgan edik. Endigi vazifamiz
axloqning kelib chiqishi haqidagi qarashlarni tahlil qilishdan iborat.
1
Falsafa qomusiy lug‗ati. O‗zbekiston Faylasuflari Milliy jamiyati nashriyoti. ―Sharq‖ Matbaa nashriyot
aksiyadorlik kompaniyasi. T., 2004. B.455
2
Radxakrishnan S. Indiyskaya filosofiya. T.1. SPb., «Stiks», 1994. S. 287-290
452
Axloqning paydo boʻlishi haqida ham ikki xil fikrlar mavjud: biri dunyoviy,
ikkinchisi diniy. Dunyoviy qarashlarga koʻra axloq insonlarning tabiiy
tanlanish jarayonida oʻzining oldingi hayvoniy oʻtmishidan meros boʻlib
qolgan instinkt tarzdagi hatti-harakatining mahsuli sifatida paydo boʻlgan,
degan gʻoya‘ni ilgari surishadi. Bu qarashlarning asoschisi Charlz Darvin va
uning izdoshi Konrad Lorens hisoblanadi
1
.
Diniy yondashuv ga koʻra, hamma narsani, ya‘ni Yer va osmon, butun
mavjudot Alloh tomonidan yaratilgan, u odamzodga axloqiylik va ezgulik
fazilatlarini xudoning borligini tanish, uning izzat-ikromi va olqishlariga
sa‘zovor boʻlishi uchun bergan. Masalan, islom dinining muqaddas kitobi
«Qur‘oni Karim»da: «Mashriqu magʻrib Allohnikidir. U pokdir. Albatta,
osmonlaru erdagi barcha narsalar Unikidir. Hamma unga boʻysunuvchidir. U
osmonlaru erni paydo qiluvchidir. Kimki yaxshilik qilgan holda oʻzini
Allohga topshirsa, unga Robbi huzurida ajr bordir. Ularga xavf yoʻq va ular
xafa ham boʻlmaslar»
2
, - deyilgan. Demak, ularning fikricha, axloq
Allohning izmidadir. Uning vazifasi Alloh tomonidan buyurilgan narsa -
axloqiy me‘yor va boshqa qonun-qoidalarni soʻzsiz bajarishdan iboratdir.
Axloqiy tafakkur taraqqiyotiga nazar tashlasak, kishilik jamiyatining
ilk davrlarida dastlabki axloqiy ta‘limotlar qadimgi Sharq mamlakatlari -
Misr, Bobil, Falastin, Xitoy, Hindistonda va Markaziy Osiyoda yuzaga
kelgan. Qadimgi Misrda, Bobilonda axloqni yorituvchi pandnomalar
yaratilib, ularda odob qoidalarini bilishlik insonga afzalliklar keltirishini
koʻrsatib oʻtganlar.
Avesto.
Jumladan, axloqiy qarashlarni zardushtiylik dinining muqaddas
kitobi ―Avesto‖da ham koʻrish mumkin. Avestoda yaxshi lik, Yorugʻlik va
goʻzallik xudosi Axura Mazda va yomonlik, yovuzlik, pastkashlik xudosi
Axriman
oʻrtasidagi
kurash
tashkil
qiladi.
―Avesto‖da
davlat
xizmatchilarining axloqiy fazilatlari haqida shunday fikr bildiriladi:
―Davlatni adolatli podsholar pokiza qalb va ezgu niyatlar bilan boshqarishlari
kerak. Zolim podsholarni davlatni boshqarishlariga yoʻl qoʻymanglar‖,
―Haqiqat - baxt saodat manbaidir. Baxt faqat haqiqatni sevguchi insongagina
mansubdir‖, ―Adolat tantana qilishi, yovuzlik yoʻq qilinishi kerak‖ kabi
koʻplab fikrlarni uchratish mumkin.
Xuddi shunday fikrlarni, qadimgi Hindistondagi barcha ta‘limotlarda
hamda Xitoyda shakllangan konfusiylik, daosizm ta‘limotlarida ham koʻplab
uchratish mumkin. Axloqiy fikrlar birmuncha aniq ifodalangan qarashlarni
qadimgi Gresiya va Rimda yashab ijod etgan Suqrot, Aflotun, Arastularning
1
Charlz Darvin «Tabiiy tanlanish yo‗li bilan turlarning paydo bo‗lishi» (1859 y.) nomli kitobida tadrijiy-genetik va
uning izdoshi Konrad Lorens esa etologiya (xulq, fe‘l-atvor haqidagi fan, asosan hayvonlardagi) nazariyasiga asos
solganlar.
2
Shayx Muhammad Sodiq Muhammad Yusuf. Qur‘oni Karim ma‘nolari tarjimasi. - T., 2008. - B.17,18.
453
asarlarida koʻrish mumkin. Masalan, Suqrotning fikriga koʻra, jasurlik ayni
vaqtda donolikdir, Ya‘ni xavf - hatarni va xavfsizlikni oʻz vaqtida bilib,
anglab olishdir. Mardlik qoʻrquvni bartaraf qilish hamda moʻtadillik oʻz
hissiyotlariga erk bermaslikni, adolat yaxshilik qilishni anglatadi.
Aflotun
. U oʻzining ―Davlat‖ va ―Qonunlar‖ nomli asarlarida axloqiy
qarashlarini bayon etgan. U ―ideal davlat‖ haqidagi gʻoya‘ni ilgari surar ekan,
undagi yaxshi fazilatli insonlarning kasb - hunar axloqi toʻgʻrisida fikr
bildiradi. Uning fikricha, har bir odam oʻz ishini qilishi kerak, boshqalarning
kasbi sohasidagi ishlariga aralashmasligi zarur. Ideal davlatni boshqaruvchi
SHaxs quyidagi toʻrt yaxshi xislatga ega boʻlishi kerak: donolik, jasurlik,
muvozanatni saqlab turish, odillik.
Arastu
. Arastuning axloqiy qarashlari uning asarlari ―Nikomax
etikasi‖, ―Katta etika‖ , ―Poetika‖ va ―Siyosat‖ asarlarida oʻz aksini topgan.
Arastu ―Poetika‖ asarining ―Katta axloq kitobi‖ boʻlimida shunday deyiladi:
―Etika - axloq muammolari haqida gapirishdan avval biz axloq nimaga
taaalluqli ekanligini aniqlab olishimiz kerak. Gapning lundasini aytsak, axloq
siyosatning tarkibiy qismidir. Chindan ham muayyan axloqiy fazilatlarga ega
boʻlmagan, ya‘ni munosib boʻlmagan odam faoliyat koʻrsatishi mumkin
emas. Munosib odam boʻlmoq - fazilatlar egasi - fozil boʻlmoq, demakdir.
Zero, ijtimoiy va siyosiy hayotda faoliyat yuritmoqchi boʻlgan odam axloqan
fazilatli odam boʻlmogʻi kerak. Xullas, etika, axloq siyosatning tarkibiy
qismi, uning asosidir. Shuning uchun, axloqni bema‘lol siyosat, deb atash
mumkin‖
1
.
Farobiy
. Sharq allomalaridan biri atoqli faylasuf va axloqshunos olim
Abu Nasr Muhammad ibn Muhammad ibn Oʻzlugʻ ibn Tarxon Farobiydir
Sharqda «Ikkinchi muallim» deb tan olingan bu alloma oʻzining «Fozil
odamlar shahri», «Davlat arbobining hikmatlari», «Baxt-saodatga erishuv
haqida» kabi bir qator asarlari bilan axloq ilmini rivojlantirishga ulkan hissa
qoʻshgan. Farobiyning ―Fozil odamlar shahri‖ nomli asarida adolatli jamiyat
qurishga qodir boʻlgan insonlarning axloqiy fazilatlarida quyidagi muhim
sifatlar boʻlishi lozimligini ta‘kidlaydi:
1.
Jismoniy sa‘lomatlik va aqliy kamolotning birligini
ta‘minlash zarur. Bunday odamlarning barcha a‘zolari shu darajada
mukammal taraqqiy etgan boʻlishi zarurki, u bu a‘zolari bilan
bajarmoqchi boʻlgan barcha ishlarni osonlik bilan bajara olsin.
2.
Barcha masalani, muhokama va munozarani tezda va
toʻgʻri tushuna oladigan, uning ma‘nosini anglay oladigan,
soʻzlovchining maqsadi, aytilgan fikrlarning chinligini tezda payqay
oladigan boʻlsin.
1
Arastu. Poetika. Axloqi Kabir. -Toshkent: Yangi avlodasri, 2004.В. 96
454
3.
Xotirasi juda baquvvat boʻlsin, koʻrgan – eshitgan, sezgan
narsalarining birortasini ham esidan chiqarmay yodida saqlab turadigan
boʻlsin.
4.
Zehni shu darajada oʻtkir boʻlsinki, biror narsaning
a‘lomatini sezish bilan bu a‘lomat nimani bildirishini tezdan bilib olsin.
5.
Soʻzlari aniq boʻlsin, fikrini va aytmoqchi boʻlgan
muloxazalarini ravon va ravsha‘n bayon eta olsin.
6.
Bilish va oʻqishga muhabbati boʻlsin, oʻrganmoqchi
boʻlgan bilimini charchashni bilmay osonlikcha oʻzlashtira olsin.
7.
Ovqatlanishda, ichimlik ichishda ochkoʻz boʻlmasin, tabiati
qimor oʻyinlari oʻynashdan uzoq boʻlsin va ular keltiradigan
xursandchilikdan jirkanadigan boʻlsin.
8.
Haqiqatni va haqiqat tarafdorlarini sevadigan, yolgʻon va
yolgʻonchilarga nafrat bilan qaraydigan boʻlsin.
9.
Ruhning gʻururi va vijdonini qadrlaydigan boʻlsin, uning
ruhi oʻz tabiati bilan past ishlardan yuqori va oliyjanob ishlarga
ishlatiladigan boʻlsin.
10.
Dirham, dinor va shu kabi turkumga qarashli buyumlarga
jirkanch bilan qaraydigan boʻlsin.
11.
Oʻz tabiati bilan adolatni sevadigan va adolat uchun kura
shuvchilarga xayrixoh, adolatsizlik qilib jabr – zulm oʻtkazuvchilarga
nafrat bilan qaraydigan boʻlsin, oʻz odamlari va boshqalarga adolatli
boʻlsin, goʻzal va yaxshi hisoblangan barcha narsalarni barchaga
taqdim etgan holda odamlarni adolatga targʻib etadigan, adolatsizlik
oqibatlarini yoʻqotadigan, ularga yoʻl qoʻymaydigan boʻlsin.
12.
Adolatli boʻlsin, ammo qaysar boʻlmasin, adolat oldida
qaysarlik qilib, oʻzbilarmonlikka berilmasin, lekin har qanday
adolatsizlik, pastkashlik oldida lafzli boʻlsin, oʻzi zarur deb topgan
narsasini amalga oshirishda qat‘iylik koʻrsatsin, qoʻrqmas, jasur
boʻlsin, qoʻrqish va ojizlikni bilmasin.
1
Do'stlaringiz bilan baham: |