Зиѐвуддин Раҳим, Одилхон қори Юнусхон ўғли

“Биз Аллоҳникимиз, У Зот ҳузурига қайтамиз. Эй Аллоҳ, мени мусибат сабабли 
мукофотла, менга йўқотганимдан кўра яхшироғини бер”.
Умму Салама розияллоҳу анҳо ривоят қилади: “Бир куни Абу Салама Расулуллоҳ соллаллоҳу алайҳи 
ва саллам ҳузурларидан келиб, “Расулуллоҳдан бир гап эшитиб хурсанд бўлдим”, деди. У: 
“Мусулмонлардан бирининг бошига мусибат тушганида истиржоъ айтса, кейин “Аллоҳумма ажирний фий 
мусийбатий, ва ахлифлий хойром-минҳаа”, деса, унга шундай қилинади”, деди”. Умму Салама айтади: 
“Мен ўша калималарни ѐдлаб олдим. Абу Салама вафот этганида истиржоъ айтдим – “Аллоҳумма ажирний 
фий мусийбатий, ва ахлифлий хойром минҳаа”, дедим. Кейин ўзимга келиб, “Мен учун Абу Саламадан 
яхшироқ ким ҳам (эр) бўларди?!” дедим. Иддам тугаганида Расулуллоҳ соллаллоҳу алайҳи ва саллам 
киришга изн сўрадилар. Мен тери ошлаб ўтиргандим. Қўлимдаги бўѐқни ювиб, у зотга рухсат бердим, у зот 
учун ичига хурмо пўстлоғи тиқилган тери ѐстиқни қўйдим. (Расулуллоҳ) унга ўтирдилар, менга 
уйланмоқчиликларини айтдилар. У зот гапларини тугатганларидан кейин мен: “Эй Расулуллоҳ, сизга 
рағбатим бўлмаслиги мумкин эмас. Аммо мен қаттиқ рашкчиман. Сиз менда бирон айбни кўриб, у 
сабабидан Аллоҳ мени азоблашидан қўрқаман. Қолаверса, мен кекса аѐлман, фарзандларим ҳам бор”, 
www.ziyouz.com kutubxonasi

---

111 
деганимда Расулуллоҳ: “Сен айтган рашкка келсак, Аллоҳ уни сендан кетказади. Ёшинг масаласига 
тўхталадиган бўлсак, менинг ѐшим ҳам бир жойга бориб қолган. Фарзандларингга келсак, улар менинг ҳам 
фарзандларим (бўлади)”, дедилар. Мен Расулуллоҳ соллаллоҳу алайҳи ва салламга розилик бердим”. 
Расулуллоҳ соллаллоҳу алайҳи ва саллам уни никоҳлаб олдилар. Умму Салама айтади: “Аллоҳ менга Абу 
Саламадан яхшироғини – Расулуллоҳ соллаллоҳу алайҳи ва салламни берди” (Аҳмад ишончли ровийлардан 
ривоят қилган).