Зиѐвуддин Раҳим, Одилхон қори Юнусхон ўғли

“Бирон бандага зулм қилинганда сабр қилса, Аллоҳ унинг обрўйини зиѐда қилади”. 
Кимга зулм етганида Аллоҳ розилиги учун авф этса, Аллоҳ унинг дунѐю охиратдаги мартабасини 
кўтаради. Бу эса кишига зулм, азият, шикаст, зарар, талофат ѐки уриш, сўкиш, ҳақорат каби нарсалар 
етганида – ўч олишга имкони бўлатуриб – Аллоҳ розилиги учун кечириб юбориш нақадар фазилатли 
ишлигини билдиради. Бунинг бир шарти бор. Авф қилаѐтган банда фақат Аллоҳ розилиги учун 
кечираѐтганини айтиб қўяди. Акс ҳолда, бундай марҳамат золимни янада руҳлантириб юбориши мумкин. 
Ислом одамлар ўртасида тинчлик, тотувлик, ҳамжиҳатлик ҳукм суришини тарғиб этувчи динлигини 
мана шу ҳадис мисолида кўриш мумкин. Қайси жамиятда ўзаро кечиримлилик, хатоларини ислоҳ этиш 
мавжуд бўлса, ўша жамият тез орада гуллаб-яшнаб, тараққий этишига шубҳа йўқ. Душманлик, адоват, 
ҳасад урчиган, кек сақлайдиган кишилар яшайдиган жамият тез орада инқирозга учрайди. 
“Агар банда ўзига тиланчилик эшигини очса, Аллоҳ унга фақирлик эшигини очади”. 
Инсон ҳаѐти доим бир маромда кетмайди. У баъзида бой, баъзида камбағал, баъзида ишлари 
юришиб, баъзида касодга учраши мумкин. Ислом дини мана шуни эътиборга олиб, кутилмаганда бошига 
қийинчилик тушган кишиларга – ўзларини тиклаб олгунларича – садақа сўрашга рухсат берган. Аммо, ким 
тиланчиликни касб қилиб олса, садақа орқасидан оила боқса, рўзғор тебратса, бири икки бўлмайди, косаси 
оқармайди, рўзғоридан файз-барака кўтарилади, муҳтожлиги баттар ортади. Шундай экан, мўмин банда 
бировлар қўлидаги нарсага тама назари билан қарамайди, тиланчиликни ўзига ор деб билади, покиза йўллар 
билан рўзғор тебратади, фарзандларини пешона тери билан, ҳалол меҳнати билан боқади. 
“... ѐки шунга ўхшаш сўз айтдилар”. 
Бу – ҳадис ровийи томонидан қилинган шубҳа. Пайғамбаримиз соллаллоҳу алайҳи ва саллам: 
“Агар 
банда ўзига тиланчилик эшигини очса, Аллоҳ унга фақирлик эшигини очади”, 
деб айтганларидан сўнг 
шу маънода яна нимадир деганлар, аммо бу жумла ҳадис ровийи ѐдида қолмаган. Шундай бўлса-да, илмий 
омонат юзасидан унутгани айтиб қўйилмоқда.