Sportda matematika

Elka-tirsak bo’g’imi
– elka suyagi distal uchidagi 
g’altaksimon yuza bilan, tirsak suyagining yarimoysimon shaklga ega bo’lgan g’altaksimon uymasi 
bilan birlashadi. 
Elka-bilak bo’g’imi
elka suyagi distal uchidagi sharsimon boshchasi bilan bilak 
suyagining proksimal boshchasi bilan birikadi. 
Bilak-tirsak
bo’g’imi bilak suyagi boshchasi atrofidagi aylanma bo’g’im yuzasi bilan tirsak 
suyagidagi bilak uymasining birikishidan xosil bo’ladi. 
Tirsak bo’g’imida 2-ta o’q atrofida xarakatlar bajarilishi mumkin. Tikka o’q atrofida - supinsiya - 
pronatsiya xarakati, kundalang o’q atrofida bukish - yozish xarakati bajariladi. Tirsak bo’g’imi 
quyidagi boylamlar: yonlama bilak va yonlama tirsak boylamlari bilan, bo’g’im bo’shlig’ini ichida 
joylashgan bilakning aylanma boylami bilan mustaxkamlangan. Bilak va tirsak suyaklarning 
orasida pishiq biriktiruvchi to’qimali parda tortilgan bo’lib, suyaklarning xamkor burma 
xarakatlarini bajarilishini ta’minlaydi. 
Bilak - kaft ustki bo’g’imi
murakkab, ikki o’qli, ellips shakliga ega. Bo’g’im xosil bo’lishda bilak 
suyagini pastki uchidagi bo’g’im yuzasi kaft ustki suyaklarining yuqori qatori bilan birikishi 
natijasida xosil bo’ladi. Bo’g’im xosil bo’lishda kaft usti suyaklardan nuxatsimon suyak 
qatnashmaydi. Tirsak suyagining faqat tog’ayli diski bo’g’im yuzasining bir qismini to’ldiradi. 
Bo’g’im umumiy kapsula bilan o’ralgan bo’lib, yonlama bilak, yonlama tirsak va yonlama kaft 
bilak boylamlari bilan mustaxkamlangan. Bo’g’imda ikki xil xarakatlar bajarilishi mumkin: sagittal 
o’q atrofida – panjani olib kelish va olib qochish, kundalang o’q atrofida – panjani bukish va 
yozish. Qo’l panjasi aylanma xarakatni xam bajara oladi. 
Kaft oldi o’rta

bo’g’imlari
kaft ust qatordagi uchta suyaklar, nuxatsimon suyakdan tashqari, 
ikkinchi qatordagi turta kaft usti suyaklari bilan birikadi. Bo’g’im panjalariga kaft oldi-kaft, 
kaftlararo bo’g’imlar xam kiradi. Ko’rsatilgan bo’g’imlarda, katta barmoqning kaft oldi-kaft 
bo’g’imidan tashqari, xarakatlar chegaralgan bo’ladi.