Loyiha O‘zbekiston respublikasi adliya vazirligi toshkent davlat yuridik universiteti

Jinoyatni tergov qilishni rejalashtirish
– jinoyat-protsessual 
qonunchiligining talablari va hodisaning o‘ziga xos shart-sharoitlaridan 
kelib chiqqan holda tergov vazifalarini, ularni yechish yo‘llari va 
usullarini aniqlash. 
Jinoyatning alohida turlarini tergov qilish
– bu jinoyatning har 
bir turiga tegishli o‘ziga xos xususiyatlarni hisobga olib tergov qilish, 
ularni ochish va oldini olishda qo‘llaniladigan ilmiy qoidalar, texnik 
vositalar, taktik usullar va metodik qoidalar (tavsiyalar) majmuidir. 
Ko‘rsatuvlarni hodisa sodir bo‘lgan joyda tekshirish
– bu ilgari 
berilgan ko‘rsatuvlarni tekshirilayotgan voqea bilan bog‘liq joyda 
tekshirish yoki ularga aniqlik kiritish yo‘li bilan yangi holatlarni 
aniqlash maqsadida o‘tkaziladigan mustaqil tergov harakati. 
 
Ko‘zdan kechirish
 
–
 
jinoyat izlari va ashyoviy dalillarni topish, 
tekshirilayotgan hodisa sharoitlarini va yuz bergan voqeaning boshqa 
holatlarini aniqlash maqsadida moddiy sharoit ob’ektlarini tergovchi 

---

544 
tomonidan bevosita kuzatish va tahlil qilishdan iborat protsessual 
harakat. 
Krekerlar – 
zamonaviy texnika vositalaridan yuqori darajada 
foydalana oladigan xavfli kiberjinoyatchilar. 
Kriminalistik fotografiya 
deganda tergov harakatlari va tezkor-
qidiruv tadbirlarida, shuningdek, ekspert tekshiruvlarida qo‘llaniladigan 
ilmiy ishlab chiqilgan suratga tushirishning usullari tizimiga tushuniladi. 
Kriminalistik ro‘yxat 
– jinoyat sodir qilgan shaxs, shuningdek, 
jinoiy voqea bilan sababli bog‘lanishda bo‘lgan narsalar haqida 
ma’lumotlarni qayd qilish, yig‘ish va tartibga solishning ilmiy usuliga 
aytiladi. 
Kriminalistik texnika
– fanning bir bo‘limi bo‘lib, jinoyatlarni 
tergov qilish jarayonida dalillarni topish, mustahkamlash, ko‘chirib olish 
va tadqiq etishda qo‘llanadigan maxsus asbob-uskunalar, texnik 
vositalar haqidagi ilmiy-nazariy bilimlar tizimi hisoblanadi. 
Kriminalistika
– jinoyatni ochish va oldini olish maqsadida 
dalillarni izlash, yig‘ish, qayd etish va tadqiq etish bo‘yicha jinoyat-
protsessual qonunida nazarda tutilgan harakatlarni bajarish uchun 
qo‘llaniladigan texnik vositalar, taktik usullar va metodlar to‘g‘risidagi 
fan.