Loyiha O‘zbekiston respublikasi adliya vazirligi toshkent davlat yuridik universiteti

Ma’lumot uchun! 
Gumon qilingan va ayblanayotganlarni so‘roq 
qilish samaradorligini ta’minlash uchun, qoidaga ko‘ra, sodir etilgan 
jinoyat ishi yuzasidan ishonchli dalillar yig‘ilgan bo‘lishi kerak. 
Ularni so‘roq qilish taktikasi so‘roq qilinuvchini o‘z aybini inkor 
etishi bema’ni ekanligiga ishontiradigan ma’lumotlarning mantiqiy 
tahliliga asoslangan bo‘lishi kerak. Bunday toifadagi ishlar bo‘yicha 
ayblanuvchilar o‘z aybini boshqalarga, ayniqsa, bo‘ysunuvchilarga 
to‘nkashga moyil bo‘ladilar, tajribalari yetishmaganliklari, normativ 
hujjatlar talablarini buzish xavfliligini bilmaganliklarini ro‘kach 
qiladilar. Ba’zan ular o‘z ayblarini tan olib uni yumshatishga harakat 
qiladilar, zararli oqibatlarni inkor etadilar yoki unchalik emas deb 
hisoblaydilar, ba’zan ishlab chiqarish manfaati uchun shunday 
qilganliklari, yuqori lavozim shaxs ko‘rsatmalari mavjudligini pesh 
qiladilar. 

---

474 
xos tomonlari, jinoyat ishi materiallarini bilib olishi, mutaxassislar bilan 
maslahatlashishi zarur. 
Tergovchi ayblanuvchini so‘roq qilayotganda uning shaxsi, kasb 
mahorati, zararli chiqindilarni qaerga va qancha tashlashga oid 
ko‘rsatma berishda nimalarga asoslanganligi to‘g‘risida ma’lumotlarga 
ega bo‘lishi kerak. Mazkur ish bo‘yicha ayblanuvchi ko‘rsatmasini 
ekspertiza xulosasi va boshqa ma’lumotlar bilan taqqoslab ko‘rish kerak. 
Ayblanuvchini so‘roq qilish jarayonida va boshqa tergov 
harakatlarini mazkur jinoiy qilmishni sodir etish sabablari va 
sharoitlarini belgilashga alohida ahamiyat berish kerak: bu ishlab 
chiqarishni tashkil etishda va faoliyat ko‘rsatishidagi nuqsonlar, tabiiy 
resurslarni muhofaza qilish va ulardan oqilona foydalanishda ba’zi 
mansabdor shaxslarning e’tiborsizligi, tozalash inshootlari ishi bo‘yicha 
nazoratning yo‘qligi, texnik vositalar va transport bilan yomon 
ta’minlanganligi, ba’zi bir ishlab chiqarish jarayonlarida hisob ishlarini 
yuritish, chiqindilar saqlash va ularni hisobga olib borish va boshqalar 
talabga javob bermaydi. Tergovchi mutaxassislar yordamida xuddi 
shunday jinoiy xatti-harakatlarning oldini olish choralarini ko‘rishga 
majbur.