Omuxta yem texno 111

 
4.10. Dozalash-aralashtirish liniyasi 
Aloxida texnologik liniyalarda tayyorlangan xom ashyo dozator osti bunkerlariga 
kelib tushadi. Ularda tanlangan retsept asosida omixta yem ishlab chiqarish uchun 
kerak bo`lgan barcha komponentlarning ma`lum bir zaxirasi tuplanadi va saqlanadi. 
Bunda dozalashning uzluksiz ishi ta`minlanadi. Bunkerlarning barchasi ishlab 
chiqarish korpusi kavatlarining birida, dozatorlar esa ularning tagida joylashtiriladi.
Aralashtirgich, odatda, bir kavat pastda joylashtiriladi, joy bo`lmaganda - xoxlagan 
kavatda. Bunday holatda komponentlar dozatordan noriya orqali aralashtirgichga 
beriladi. Dozalashning asosiy liniyasida 2 tadan kam bo`lmagan ko`p komponentli 
dozatorlar (10DK-2500 va 5DK-200) urnatiladi. Dozalash-aralashtirish tsikli 5…6 
mino`t davom etadi, shundan 4 mino`t aralashtirishga sarflanadi. Aralashtirishning 
ish vaqtini kamaytirgan holda dozalash-aralashtirish liniyasining ishlab chiqarish 
samaradorligini oshirish mumkin. 
4.11. Omixta yemni uzatish liniyasi 
Omixta yem zavodlarida ishlab chiqarilgan mahsulot aniq vaqt davomida 
iste`molchilarga uzatish maqsadida saqlanadi. Tayyor mahsulotni saqlash uchun har 
bir zavodda kamida besh kunlik ishlab chiqarilgan mahsulotni saqlashni 
ta`minlaydigan omborlar mavjud. Omixta yem sochma va granulalangan ko`rinishda 
holda oqsil-vitaminli qo`shimchalar tara yoki sochma holda saqlanadi.
Tayyor mahsulot omborlari yonida omixta yemni uzatish uchun maxsus uzatish 
kurilmalari urnatilgan bo`lishi kerak. Temir yo`l vagonlariga omixta yem lyuklar 
orqali vagon kopkogiga yuklatiladi.
Omixta yem tashishning eng kulay usuli avtomobil’ transportlarida amalga 
oshiriladi, omixta yem bir necha mino`t davomida uzatish bunkerlaridan yuklatiladi. 
Bu maqsadda ZSK-10 quruq yemlar yuklatgichi keng ishlatiladi.
Omixta yemni markazlashgan holda etkazish ham bugungi kunda keng tarkalgan. 
Zavod iste`molchi bilan kelishilgan grafikka muvofiq doimiy tarzda avtomobil’ 
transportda iste`molchiga omixta yem etkazib turadi, bunda omixta yem uzatishni 
avtomobil’ xaydovchilari orqali rasmiylashtiriladi.