Гистология цитология ва эмбриология проф. Қ. Р. Тўхтаев таҳрири остида

СИЙРАК ТОЛАЛИ ШАКЛЛАНМАГАН БИРИКТИРУВЧИ 
ТЎҚИМА 
Сийрак толали шаклланмаган бириктирувчи тўқима ҳужайра 
элементлари ва оралиқ моддадан ташкил топган бўлиб, унда бириктирувчи 
тўқиманинг барча турларига хос ҳужайраларни учратиш мумкин. Ҳужайра 
оралиқ моддасида сийрак, турли йўналишда ѐтувчи толалар жойлашади 
(расм 5.1). Ҳужайралараро модда кўп бўлгани учун бириктирувчи 
тўқиманинг функцияси оралиқ модданинг физик-кимѐвий хоссаларига 
боғлиқ. 
Сийрак толали бириктирувчи тўқима кучли регенерация қобилияти, 
юқори пластик ва адаптацион имконияти билан характерлидир. 
Сийрак толали бириктирувчи тўқима организмнинг турли орган 
тўқималари таркибида бўлади ва доимо қон томирлар девори бўйлаб 
жойлашади. У бириктирувчи тўқиманинг бошқа турлари учун ҳам хос бўлган 
трофик, ҳимоя, пластик ва механик (таянч) вазифаларни бажариб, организм 
ички муҳитининг доимийлигини (гомеостазни) белгилайди. Барча 
функциялар ҳужайралар ва ҳужайралараро модда воситасида бажарилади. 
Бириктирувчи тўқима морфологиясини ўрганиш шу тўқиманинг 
касалликларини (коллагенозларни) ва турли жараѐнларга бўлган жавобини 
(иммунологик реакция, яллиғланиш, регенерация) тушунишга ѐрдам беради. 

---

 
 
Расм 
5.1. 
Сийрак 
шаклланмаган бириктирувчи тўқима 
элементлари 
1.Асосий модда 
II-Коллаген толалар 
III-Эластик толалар 
IV-Ҳужайралар 
V-Қон томири 
1.
1.Фибробластлар
2.
2. Фиброцитлар
3.
3. Макрофаглар 
4. Семиз ҳужайралар
5. Плазматик ҳужайралар 
6.Лейкоцитлар
7. Ёғ ҳужайралари 
БИРИКТИРУВЧИ ТЎҚИМАНИНГ ҲУЖАЙРА ЭЛЕМЕНТЛАРИ 
Сийрак бириктирувчи тўқима ҳужайра элементлари қуйидаги 
ҳужайралардан: фибробласт, макрофаг, плазматик (плазмоцит), тўқима 
базофили (семиз ҳужайра), перицит, ретикуляр, адипоцит (липоцит ѐки ѐғ 
ҳужайра), пигмент, эндотелий ва адвентициал ҳужайралардан иборат. 
Булардан ташқари, бириктирувчи тўқимада қон орқали ўтган қон шаклли 
элементлари (лейкоцитлар) ҳам учрайди.