Гистология цитология ва эмбриология проф. Қ. Р. Тўхтаев таҳрири остида

 
ацинуслар орасидаги бириктирувчи тўқимада 
жойлашган
 
панкреатик (Лангерганс) оролчалардан иборат. Кўпчилик 
оролчалар атрофдаги тўқимадан бириктирувчи тўқимали капсула билан 
ажралган бўлса, айрим оролчалар эса, айниқса майда оролчалар, экзокрин 

---

паренхима билан қўшилиб кетган бўлади. Оролчаларнинг сони безнинг бош-
тана-дум йўналишида ортиб боради. Оролчалар эндокрин ҳужайралар - 
инсулоцитлардан ташкил топган. Улар орасида фенестрланган типдаги яхлит 
базал мембранали қон капилярлари жойлашади. Қон капилярлари атрофида 
перикапилляр бўшлиқ бўлиб, инсуляр гормонлар аввало шу бўшлиққа, сўнгра 
капиллярлар девори орқали қонга тушади (расм 16.12). 
 
 
Расм.16.12. Меъда ости 
безининг 
тузилиши 
схемаси
:
1 — бўлакча; 2 
— панкреатик ацинус; 3 
— панкреатик оролча; 4 
— бўлакчаларичи чиқарув 
найи; 5 — қон томирлари; 
6 
— 
центроациноз 
ҳужайралар. 
Инсулоцитлар ацинар ҳужайраларга қараганда кичикроқ бўлиб, 
уларнинг цитоплазмасида донадор эндоплазматик тўр, Голжи комплекси 
яхши ривожланган, майда митохондриялар ва секрет доначалари кўп бўлади. 
Секрет доначаларининг физик-кимѐвий ва морфологик хусусиятларига қараб 
инсулоцитларнинг 5 тури фарқланади: В- (базофил), А- (ацидофил), Д- 
(дендритик), Д1-(аргирофил) ва РР-ҳужайралар. Инсулоцитларнинг 70-
75% ни В-ҳужайралар ташкил қилади. Улар асосан оролча марказида 
жойлашади. Секрет доначаларининг катталиги 275 нм атрофида бўлиб, улар 
базофиллик хусусиятига эга. В-ҳужайраларнинг секрет доначаларида 
инсулин гормони тўпланади. Инсулин тўқималарни глюкозага нисбатан 
ўтказувчанлигини оширади ва қондаги қанд миқдорини камайтиради. 
Ўзлаштирилган ортиқча глюкоза ҳужайраларда, айниқса, жигар ва мушак 
ҳужайраларида гликогенга айланади ва захира сифатида тўпланади. 
А-ҳужайралар инсулоцитларнинг 15-20%ни ташкил қилади ва улар 
кўпинча оролчанинг периферик қисмида жойлашади. Бу ҳужайралар секрет 
доначаларининг катталиги 230 нм атрофида. А-доначалар оксифил 
хусусиятга эга. А-ҳужайралар секрет доначаларида глюкогон гормони 
тўпланади. Глюкогон инсулиннинг антагонисти ҳисобланади ва унинг 
таъсирида гликоген глюкозага парчаланади, натижада, қондаги қанд миқдори 
ошади.
Шундай қилиб, инсулин ва глюкогон гормонлари қондаги глюкоза 
миқдорининг доимийлигини таъминлайди. 
Д-ҳужайралар инсулоцитларнинг 5-10% ини ташкил қилади. Бу 
ҳужайралар ноксимон, баъзан, юлдузсимон шаклдаги ҳужайралар бўлиб,

---

улар ҳам, панкреатик оролчаларнинг периферик қисмида жойлашади. Д-
ҳужайралар секрет доначаларининг катталиги 325 нм атрофида бўлади. Д-
ҳужайралар соматостатин гормонини ишлаб чиқаради. Бу гормон А- ва В-
ҳужайраларнинг фаолиятини тормозлайди.
Инсулоцитлар орасида оз миқдорда Д1 - ҳужайралари ҳам учрайди. Бу 
ҳужайралар цитоплазмасида майда (160 нм) аргирофил доначалар тутади. 
Д1-ҳужайралар вазоактив интестинал полипептид (ВИП) ишлаб чиқаради. 
ВИП артериал босимни пасайтиради, меъда ости бези шираси ва гормонлар 
ажралишини кучайтиради. 
РР-ҳужайралар инсулоцитлар орасида жуда кам (2—5%) бўлиб, улар 
меъда ва меъда ости бези ширалари ажралишини кучайтирувчи панкреатик 
полипептид 
ишлайди. 
РР-ҳужайралар 
полигонал 
шаклда 
бўлиб, 
цитоплазмасида жуда майда (140 нм гача) доначалар тутади.
Меъда ости бези бўлакларида юқорида айтиб ўтилган, ацинар ва 
эндокрин ҳужайралардан ташқари, секретор ҳужайраларнинг яна бир тури
бўлган оралиқ ѐки ациноинсуляр ҳужайралар учрайди. Ациноинсуляр
ҳужайралар тўп-тўп бўлиб ацинуслар орасида жойлашади. Бу 
ҳужайраларнинг ўзига хос хусусияти шундан иборатки, уларнинг 
цитоплазмасида икки хил доначалар: ацинар ҳужайраларга хос бўлган йирик 
зимоген доначалари ва эндокрин ҳужайраларга хос - майда секрет 
доначалари учрайди. Ациноинсуляр ҳужайраларнинг кўпчилиги қонга ҳам 
эндокрин, ҳам зимоген доначаларини ажратади. Камдан-кам ҳолларда ҳар 
икки хил секрет доначалари безнинг чиқарув найига тушади.