Гистология цитология ва эмбриология проф. Қ. Р. Тўхтаев таҳрири остида

Тугундаги лимфа ҳаракати.

Тугунга лимфа олиб келувчи томирлар 

тугуннинг қабариқ томонидан кириб, у дастлаб 
чекка ѐки капсула ости 
синусларига
қуйилади. Бу синуслар тугун капсуласи ва фолликуллар орасида 
жойлашган бўлади. Уларнинг ташқи деворини ҳосил қилувчи эндотелий 
ҳужайралари базал мембранада ѐтиб, тузилиши жиҳатдан лимфа 
томирларининг 
эндотелий 
ҳужайраларидан 
деярли 
фарқланмайди. 
Синусларнинг фолликулларни қоплаб турувчи ички деворида эса 
эндотелийга ўхшаш яссилашган ретикуляр ҳужайралар бўлиб, уларнинг 
орасида ѐриқлар кўринади, лекин базал мембрана бу ерда бўлмайди. 
Эндотелий ҳужайралари орасидаги ѐриқлар орқали тугунда ҳосил бўлган 
янги лимфоцитлар лимфага тушиши ѐки аксинча, лимфа суюқлигидан 
тугунга ўтиши мумкин. Лимфа чекка синуслардан 
оралиқ синусларга
ѐки 
фолликуллар ва трабекулалар орасида жойлашган синусларга ўтади. Улардан 
лимфа суюқлиги мағиз моддага ўтиб, бу ердаги мағиз тасмалар ва 
трабекулалар орасидаги 
мағиз синусларга
қуйилади. Шуни таъкидлаш 

---

керакки, оралиқ ва мағиз синусларнинг девори юқорида кўрсатиб ўтилган 
чекка синусларнинг ички деворига айнан ўхшаш тузилишга эга бўлади. 
Уларда ҳам эндотелий ҳужайралари орасида ѐриқлар бўлиб, эндотелий 
ҳужайралари орасида макрофаглар учрайди. Мағиз синусларидан лимфа 
суюқлиги дарвоза соҳасида жойлашган 
марказий синусга
йиғилади ва 
тугуннинг дарвозасидан олиб кетувчи лимфа томири орқали чиқиб кетади. 
Тугундан ўтиш давомида лимфа суюқлиги ѐт антигенлардан 
тозаланади, янги лимфоцитлар ва антитаналар билан бойитилади. Лимфа 
тугунларининг ўзида ѐт заррачалар ва ўсма ҳужайраларини тутиб қолиш 
хусусияти уларни турли касалликларда ўзгаришга олиб келади. 
Қон айланиши.
Артерия тугун дарвозаси орқали кириб, асосан, икки 
қисмга тармоқланади. Биринчи қисми капсула ва трабекулалар томон 
йўналса, иккинчиси пўстлоқ ва мағиз моддаларда капиллярлар тўрини ҳосил 
қилади. Бу тўрдан посткапилляр венулалар бошланиб, улар веналарга 
йиғилади ва тугун дарвозасидан вена шаклида чиқиб кетади. Соғлом 
организмда қон ҳеч қачон синусларда учрамайди. Фақат баъзи касалликларда 
синуслар ичида кўп миқдорда эритроцитлар ва гранулоцитлар учраши 
мумкин. Лимфа тугунларининг бу ҳилдаги ўзгаришини одамда ва сут 
эмизувчиларда учраб турадиган гемолимфатик тугунлардан фарқ қилиш 
муҳим амалий аҳамиятга эга.