Гистология цитология ва эмбриология проф. Қ. Р. Тўхтаев таҳрири остида

 
 
Расм 12.2. Артерия ва веналар деворини тузилиши схемаси 
 
АРТЕРИЯЛАР 
Деворининг тузилишига қараб артериялар уч хил бўлади: эластик, 
мушак ва мушак-эластик типидаги артериялар. Барча артерияларнинг девори 
умуман бир хилда тузилган бўлиб, учта пардадан иборат: ички, ўрта ва 
ташқи. 
Турли пардаларнинг тузилиши ва қалинлиги тананинг турли 
жойларидаги томирларда ҳар хил бўлиб, гемодинамик омиллар (қон босими 
ва тезлиги) га боғлиқ. 
Эластик типдаги артериялар
. Эластик типидаги артерияларга 
бевосита юракдан бошланувчи йирик томирлар, яъни аорта ва ўпка 
артериялари киради.Бу типдаги артерияларда қон катта босим (120–130 мм 

---

симоб устуни) ва тезлик (0,5–1,3 м/с) билан оқади. Эластик толалар 
ҳисобигаушбу артерияларнинг девори юрак систоласи вақтида чўзилади. 
Натижада томир бўшлиғи кенгайиб, қон зарби сусаяди. Диастола пайтида эса 
томир девори яна дастлабки ҳолатга қайтади. Эластик типидаги артериялар 
тузилишини аорта деворининг тузилиши мисолида кўриш мумкин. 
Ички парда
томир бўшлиғига қараган бўлиб, ўз навбатида у ҳам уч 
қаватдан тузилган: эндотелий, эндотелий ости қавати ва эластик толалар 
чигали. Пардалар ўртасида чегара аниқ кўринмайди. 
Эндотелий қавати базал мембранада жойлашган йирик, ясси 
ҳужайралардан 
ташкил 
топган. 
Одам 
аортасининг 
эндотелий 
ҳужайраларининг узунлиги 500 мкм гача, эни эса 150 мкм га етади. Бу 
ҳужайралар кўпинча бир ядроли бўлиб, электрон микроскопда ўрганилганда 
уларнинг цитоплазмасида турли шакл ва катталикдаги,кўп миқдорда (200 дан 
700 гача) митохондриялар кўринади. Эндоплазматик тўр суст ривожланган 
бўлиб, мембранасида оз миқдорда рибосомалар тутади. 
Эндотелий ости қавати қалин бўлиб, аорта деворининг 15–20 
фоизини ташкил этади. У сийрак толали шаклланмаган бириктирувчи 
тўқимадан тузилган ва кўп миқдорда ихтисослашмаган юлдузсимон 
ҳужайралар тутади. Бу қават 
Ланханс қавати 
деб ҳам номланади.Бу қаватда 
бўйлама йўналган айрим силлиқ мушак ҳужайралари ҳам учрайди. Ички 
парданинг ҳужайралараро асосий моддаси гликозаминогликанларга ва 
фосфолипидларга бой бўлиб, томир деворининг озиқланишида муҳим роль 
ўйнайди. 
Эндотелий ости қаватидан сўнг эластик толалар чигали (тўри)
жойлашган бўлиб, унда ички айлана ва ташқи бўйлама қатламларни ажратиш 
мумкин. 
Аортанинг ички пардаси юракдан чиқиш жойида учта ярим ойсимон 
клапанлар ҳосил қилади. Ички парданинг эластик толалар тўри чегарасиз 
ўрта пардага ўтади.