Issn 2181-9580 toshkent davlat pedagogika universiteti ilmiy axborotlari ilmiy-nazariy jurnali

Oilaning kommunikativ (muloqot) vazifasi.
Oilaning kommunikativ vazifasi oila 
a’zolarining o‘zaro muloqot va bir-birini o‘zaro tushunishini anglatadi. Odamning axloqiy, 
ma’naviy va psixologik salomatligi oiladagi o‘zaro muloqot darajasi, oila a’zolarining muloqot 
chog‘ida psixologik dalda berishlari, oiladagi axloqiy-psixologik muhitga to‘g‘ridan to‘g‘ri 
bog‘liqdir. 
Oilaning felisitologik (baxt) vazifasi.
Oiladagi ahamiyati ortib borayotgan vazifalardan 
biri uning felisitologik vazifasidir (italyancha “felisite” - baxt). Shaxsiy baxtga erishishga 
intilish oilada eng muhim tomonlaridan biridir. Baxt nima o‘zi? Hozirgi zamonda oila inson 
hayotida baxtni ta’minlashda qanday rol o‘ynaydi? Baxtga intilish har bir inson uchun 
tabiiydir va ayni shu baxtga intilish ularni oila qurishga undaydi. Inson o‘ziga ato etilgan 
baxtning to‘rtdan uch qismini oiladan, qolgan bir qismini boshqa narsalardan topadi. Oilada 
er-xotinning bir-birini to‘liq tushunishi ularning o‘zlarini baxtli his qilishlarini ta’minlaydi.
1
Oila qurishdan avval har bir erkak va ayol birinchi navbatda, nikoh oldi omillariga 
e’tiborni qaratish kerak. Nikoh oldi omillari asosida erkak va ayol o‘zining psixologik, genetik, 
axloqiy, ma’naviy, ijtimoiy, iqtisodiy kabi omillarini shakllanganlik darajasini bilishi zarur.
Ushbu nikoh oldi omillari asosida erkak va ayolning oila qurish motivlari va ularni oila 
qurgunga qadar bir-birini bilishi, ya’ni psixologik xarakter xususiyatlari, oilaviy iqtisodiy va 
ijtimoiy mavqeyi, oilani qurish motivi hamda maqsadlarini bilishi kerak. Nikoh oldi omillari 
shaxsning yosh xususiyatlariga ham bog‘liqdir. Chunki bu nikohning mustahkamligini 
belgilovchi ahamiyatga egadir. 
Har bir oilada er-xotinlik, ota-ona va farzand, farzandlar o‘rtasidagi, qaynona va kelin, 
qarindoshlik hamda do‘stlik munosabatlari ham muhim ahamiyatga egadir.