Radio jurnaliSTİKA

Həqiqəti söylə!
Yaxşı jurnalist olmağın tək yolu 
budur. Yuxarıda göstərilən hallar istisna olmaqla 
yalnız həqiqəti çatdır. Gerçəkliyin bir neçə üzü ola 
bilər, ancaq həqiqətlə manipulyasiya etmə. 
▪ 
Araşdır!
Araşdırmanın miqyası fərqli ola bilər. 
Ancaq sənə verilən ilkin məlumata inanma, 
ümumiyyətlə, eşitdiyin hər şeyi sorğulamağı öyrən, 
çünki heç nə göründüyü kimi deyil. İnsanlar adətən 
daxilən ədalətin bərqərar olmasını, ədalətsizliyin 
aradan qalxmasını istəyir və bunu təmin edən 
qurumlara qarşı simpatiya bəsləyirlər. Gerçəyi 
üzə çıxarmaq da ədalətsizliyin aradan qalxmasını 
təmin edir. Araşdırmanın müəyyən mərhələsində 
özünə qarşı təzyiq hiss edə bilərsən, bu səni ruhdan 
salmasın, deməli, sənin gerçəyə yaxınlaşmaq 
cəhdlərin kimisə narahat edir. Qısası, düz yoldasan. 
▪ 
Dəqiq ol!
Faktları bir neçə dəfə, bir neçə mənbədən 
yoxla: adlar, titullar, yerlər, faizlər, hadisələrin 
ardıcıllığı dəqiq olmalıdır. Bunları dəqiqləşdirmədən 
yayımlama, əgər dəqiqləşdirmə mümkün deyilsə, 
mənbəni göstərərək məlumatları yayımlaya 
IV BÖLÜM
XƏBƏRLƏR VƏ GÜNLÜK OLAY PROQRAMLARI ÜÇÜN MƏZMUN YARATMA
SƏNƏDLİ RADİO PROQRAMLAR / RADİOJURNALİST: ROLU VƏ ÖHDƏLİKLƏRİ
RADİOJURNALİST: ROLU VƏ ÖHDƏLİKLƏRİ
• Radiojurnalist: rolu və öhdəlikləri
• Xəbər otağının strukturu
• Müxtəlif xəbər mənbələrindən istifadə 
• Hekayələrin planlaşdırılması, toplanmasi və 
yazılması
• Radio müsahibə

---

47
bilərsən. Ancaq unutma ki, xəbərçilik baxımından 
ən cəlbedici situasiyalarda belə dinləyicinin düzgün 
məlumat almaq hüququ sənin xəbəri birinci 
səsləndirmək istəyindən irəlidə durur. Bəzənsə 
faktların dəqiq olması azdır, bunların izahı və 
tutuşdurulması vacibdir. Məsələn, xəbərdə elan 
edirsən ki, son iki ildə inək südündə aşkarlanan 
radiasiyanın miqdarı artmışdır. Məlumat əladır, 
ancaq bu dinləyiciyə heç nə vermir, bura son bir 
neçə ildə südün tərkibindəki radiasiyanın miqdarı 
haqqında, habelə belə artımın başqa hansı illərdə 
müşahidə edildiyinə dair bilgilər əlavə edilməlidir. 
Müsahibə zamanı da gözlənilməsi lazım gələn bir 
məqam var: vaxt sıralaması. Suallarını bu məcrada 
qurmağa çalış:
▪