Radio jurnaliSTİKA

V BÖLÜM
RADİO XƏBƏRİN HAZIRLANMASI / 
XƏBƏR OTAğININ STRUKTURU
XƏBƏR OTAğININ STRUKTURU
Xəbər otağı

---

49
Redaktor xəbərlərin məzmununu formalaşdıran xəbər 
komandasında işlərə nəzarət edir, işi istiqamətləndirir, 
gündəliyin formalaşdırılmasını və aparılmasını, xəbər 
buraxılışı üzərində redaksiya nəzarətinı təmin edir. 
Redaktor gündəlik iclasları aparır, bu iclaslarda 
gündəlik bütün mümkün xəbərlərin müzakirə 
edilməsini təmin edir. Təbii ki, bu iclaslarda bütün 
xəbərlər qəbul edilmir, bəziləri ehtiyata atılır, bəziləri 
rədd edilir. Redaktorlar yayımdan əvvəl xəbər 
mətnini yoxlayır. Digər vəzifələri lazım gəldikdə 
replikaları yazmaq, xəbərləri yeniləmək, xəbərlərin 
hüquqi tərəflərini və dəqiqliyini yoxlamaq, yayım 
jurnalistləri komandasına hekayələr seçməkdən 
ibarətdir. Əsas işi isə “qaynar xəbər”ləri diqqətdən 
kənar qoymayıb, yeni xəbərləri daxil etməklə və 
ya köhnələri yeniləməklə xəbər bülleteninin axışını 
dəyişdirməkdir. Redaktorun fəaliyyəti ilə əlaqədar 
birmənalı tərif vermək müəyyən mənada çətindir. 
Bəzi radiostansiyalarda bülleten redaktorları xəbər 
komandasının bir üzvü kimi çıxış edərək efirdə gedən 
xəbərlərə görə məsuliyyət daşıdığı halda, digərlərində 
gündəlik əməlliyyatları idarə edərək jurnalistlərin 
hazırlayacağı xəbərləri müəyyən edir və prodüser 
kimi çıxış edir. Redaktorun əsas rolu başlıqları, 
hekayələri və mətnləri öyrənmək, araşdırmaqdır. 
Burada məqsəd proqramın faktiki informasiya 
təqdim etdiyindən və təqdim edilən informasiyanın 
mövcud standartlara uyğun olduğundan əmin 
olmaqdır. Bu iş çərçivəsində yerli hadisələr araşdırıla, 
məlumatlar yoxlanıla, iştirakçılarla bağlı informasiya 
izlənə, başlıqlar yazıla və dəyişdirilə bilər. Əlavə 
olaraq, radio redaktorlar radio şoular üçün ideyaları 
inkişaf etdirmək məqsədilə prodakşn komandası ilə 
işləyə bilər. Radio redaktorlar texnikanın potensial 
modernizasiyasını qiymətləndirərkən inzibatçı, 
layihələrdə isə prodakşn rəhbərləri və ya layihə 
menecerlərinin yardımçısı rolunda çıxış edə bilərlər. 
Bu zaman onlardan görüşlərin planlaşdırılması, 
şirkətin standartlarının yaradılması, mətn tərtibi 
prinsiplərinin seçilməsi tələb ediləcəkdir. Digər 
vəzifələr qismində arxiv yazılarının toplanması və 
stansiyanın avadanlıqlarının monitorinqini göstərə 
bilərik.