Тошкент архитектура – Қурилиш институти муталова барно иргашевна таълимда инновацион технологиялар

 
 
 
3.6-расм.
 Фундаментлар остида маҳкамланган тупроқ 
кесмаси. 
1 – эски бут фундамент; 2 – янги қурилган фундамент; 3 – 
деформацияга учраган ғишт девор; 4 – силикатлаб 
маҳкамланган тупроқ массиви; 5 – 5,0 м қувватига эга бўлган 
тупроқ уюмининг қалинлиги; 6 – ҳар хил донали қум; 
7 – гидроизоляция. 
Соф тупроқларни термик кучайтириш 
Соф тупроқларни термик усул билан маҳкамлаш тупроқ ғоваклари бўйлаб 
қиздирилган газларни босим остида юбориш йўли билан амалга оширилади, бунинг 
натижасида тупроқ тоблаб пиширилади. Ёқилғи (газсимон, суюқ, суюлтирилган 
газлар) маҳкамланаётган тупроқ қатламида бурғулаб очилган қудуқларнинг бутун 
туби бўйлаб ёки унинг айрим участкаларида ёндирилади, бунда ёниш 

---

43 
маҳсулотларининг кимёвий таркиби ростлаб турилади. Иккала ҳолатда ҳам 
тупроққа оловбардош трубопроводлар ва қудуқлар орқали махсус иситиш 
агрегатларида талабдаги температурагача иситилган ҳаво босим остида юборилади. 
Термик ишлов самарадорлигини ошириш ва тупроқ пиширилиш жараёнини 
тезлаштириш мақсадида қудуқларга босим остида сиқилган ҳаво юбориб туриш 
ҳисобига уларда муттасил керагидан ортиқ босим ушлаб турилиши лозим. 
Қудуқда керагидан ортиқ босимни сақлаб туриш учун унинг оғзи герметик 
беркитилган бўлиши ҳамда устки тупроқ зонасида газ ўтишини камайтиришга оид 
чора-тадбирлар амалга оширилиши лозим. 
Унча катта бўлмаган ҳажмда тупроқ чўкишида бу усулдан фойдаланиш 
мақсадга мувофиқ эмас. 
Термик йўл билан маҳкамланаётган тупроқ массивининг диаметри унинг бутун 
туби бўйлаб 1,5 м дан кам бўлмаслиги керак. 
Тупроқ эришининг олдини олиш учун қудуқдаги газларнинг максимал 
температураси қудуқ атрофидаги тупроқнинг эриш температурасидан паст бўлиши 
(1100˚ С дан ошмаслиги) керак.