Oʼzbekiston respublikаsi oliy vа oʼrtа mаxsus tа'lim vаzirligi mirzo ulug’bek nomidаgi sаmаrqаnd dаvlаt аrxitekturа qurilish instituti

Milliy dasturdan koʼzlangan maqsadlar quyidagilardan iborat: 
Dasturni toʼliq amalga oshirish respublikamizda ijtimoiy siyosiy muxitni 
yanada yaxshilanishiga olib keladi, jamiyatda davr talabiga javob beruvchi komil 
insonlar vujudga keladi: Ikkinchidan ushbu dastur tasirida har bir shaxs jamiyatdan 
o’z o’rnini topish jarayoni tezlashadi. Uchinchidan agar jamiyatimizda shaxs 
ravnaqi uchun barcha imkoniyatlar yaratilsa, har bir insonning istedodi, qobiliyati 
rivoj topadi: To’rtinchidan milliy dastur zaminida jamiyatda ongli xayot kechirish 
tizimi vujudga keladi; Beshinchidan, Oʼzbekiston xalqi o’z oldiga huquqiy 
demokratik jamiyatni barpo etishni maqsad qilib qo’ygan. Umuman Kadrlar 
tayyorlash milliy dasturini toʼliq amalga oshirish barkamol shaxsni insonni va shu 
tariqa ongli jamiyatning shakllanishiga, yani yangicha ongga, tafakkurga ega 
bo’lgan shaxslarning ko’payishiga va bu o’z navbatida ijobiy ravishda 
«PORTLАSH EFFEKTINI» sodir bo’lishiga olib keladi.
Kadrlar tayyorlash milliy dasturining milliy modellari beshta tarkibiy 
qismdan: shaxs, davlat va jamiyat, uzluksiz taʼlim, fan, ishlab chiqarishdan iborat. 
Milliy modellarning aniq yoʼnalishlari, maqsadlari, vazifalari dasturda belgilab 
berilgan boʼlib, taʼlim jarayonining va jamiyat taraqqiyotining bugungi, ertangi 
kuni toʼliq inobatga olingan. Masalan, shaxs kadrlar tayyorlash sohasidagi davlat 
siyosati insonni yuqori intellektual va maʼnaviy – axloqiy jihatdan tarbiyalash bilan 
uzviy bogʼliq boʼlgan uzluksiz taʼlim tizimi orqali har tamonlama yuksak komil 
insonni tarbiyalashni maqsad qilib olgan. Shu tarzda fuqoroning konstitutsiyaviy 
huquqlaridan biri bilim olish, isteʼdodini namoyon qilish, aqliy jihatdan rivojlanish, 
kasbi boʼyicha mehnat qilish huquqi qonun tomonidan kafolatlanadi. Shaxsning 
«Taʼlim toʼgʼrisida»gi qonun asosida sifatli bilim olish va kasb-hunar oʼrganishi, 

---

uzluksiz oʼz malakasini oshirib borish va qayta tayyorgarlikdan oʼtish huquqi va 
imkoniyatlarini nazarda tutadi. Shaxsning taʼlim olish imkoniyatlari, burch va 
maʼsuliyatlari davlat taʼlim standartlarida bajarilishi shart qilib qoʼyilgan. Bunda 
kadrlarning ilmiy, nazariy, amaliy jihatdan aniq va puxta bilim olishini koʼzda 
tutilgan. Milliy modelning davlat va jamiyat deb nomlanuvchi qismida asosan shaxs 
va jamiyat oʼrtasidagi qonuniy norma va meʼyorlarga qatʼiy rioya qilish masalalari 
koʼzda tutilgan, yaʼni fuqarolarning bilim olish, kasb tanlash va oʼz malakasini 
oshirish huquqlarini amalga oshirish, umumiy oʼrta taʼlim hamda akademik litsey 
yoki kasb-hunar kollejida taʼlim olish yoʼnalishini ixtiyoriy tanlash har bir shaxsning 
demokratik huquqi sifatida belgilanishi bilan birga majburiy oʼrta maxsus, kasb 
hunar taʼlim olish holatlari koʼzda tutilgan. Ushbu dasturning oʼziga xos tomoni 
shundan iboratki, bozor munosabatlariga mos ravishda ishlab chiqilgan. Bu degani 
taʼlim oluvchi oʼzining imkoniyatidan kelib chiqib, davlat granti va pullik 
shartnomaviy asosda oʼqishi mumkin, ikki va undan ortiq oʼqish faqat shartnoma 
asosida amalga oshiriladi. Milliy dastur milliy va umuminsoniy qadriyatlarga 
asoslanib, taʼlim oluvchilarning oʼqish, turmush, dam olishda jamoatchilik asosida 
shart sharoitlar yaratib berish hamda ijtimoiy himoyalanishni qoʼllab-quvvatlanish 
masalalarining mehanizmlarini yaratish koʼzda tutilgan. Kadrlar tayyorlash milliy 
dasturining eng katta yutuqlaridan biri – bu taʼlim dasturlari orasidagi uzluksizlikni 
ilmiy asoslangan holda taʼminlashdir. Uzluksiz taʼlim – malakali raqobatbardosh 
kadrlar tayyorlashning asosi boʼlib, taʼlimning barcha turlarini, davlat taʼlim 
standartlarini, kadrlar tayyorlash tizimi tuzilmasi va uning faoliyat koʼrsatish 
muhitini oʼz ichiga oladi. Uzluksiz taʼlim shaxsni yuqori intellektual, nufuzli, 
yuksak maʼnodagi insonparvar, vatanparvar, madaniyatli, har tomonlama yetuk, 
barkamol insonlarni tarbiyalash, mustaqil va erkin fikrlovchi shaxslarning 
shakllanishga oʼz faoliyatini yoʼnaltiradi.