KBaxt va muvaffaqiyat sirlari

Tabiatni sevish va ardoqlash – yoshga bog‘liqmi?
Tabiatni sevish – vatanparvarlik tarbiyasining asosla- 
ridan biri bo‘lib, muhim axloqiy fazilat hisoblanadi. Tabiat-
ni sevish oiladan boshlanadi. Ayniqsa, shahardan tashqa-
ridagi oilaviy sayohatlar sizlarda tabiatni sevish va unga 
g‘amxo‘rlik ko‘rsatish uchun o‘ziga xos maktab bo‘ladi.
Aqlni charxlash uchun savol va topshiriqlar
Mulohaza uchun

---

95
Tarbiya 8-sinf
Har bir inson tabiatni avaylashi, uni ehtiyot qilishi uning shu go‘zal tabiat 
va borliqda yashashi, musaffo va toza havodan nafas olishiga ko‘maklashadi.
Ne’mat vaqtida qadriga yetilsa...
Abu Rayhon Beruniyning «Saydana» asarida o‘simliklarning 1118 turi, 
jumladan, dorivor o‘tlarning 750 turiga hamda hayvonlarning 101 turiga batafsil 
ta’rif beriladi. U o‘z izlanishida arab, yunon, hind, fors, so‘g‘d va boshqa tillarga 
oid 4500 ta o‘simlik, hayvon, mineral nomi va ulardan olinadigan mahsulotlar 
haqida ma’lumot to‘plab, o‘sha davr dorishunoslik atamalarini tartibga solishga
katta hissa qo‘shgan. 
Uning ilmiy daholigi shundaki, tadqiqotlari, tajribalarida tabiatdagi 
barcha hodisalar muayyan tabiiy qonuniyat asosida yuz beradi, 
tashqi kuchning ta’siri uni izdan chiqarishi mumkin, 
degan xulosaga keladi. Beruniyning «Agar insonlar 
tabiatga 
nisbatan 
zo‘ravonlik 
qilib, 
uning 
qonunlarini qo‘pollik bilan buzsalar, bir kun kelib, 
tabiat ularning boshiga shunday kulfatlarni 
solishi mumkinki, buni hech qanday kuch 
qaytara olmas», degan hikmati bugungi global 
ekologik muammolarning bundan ming yil 
oldin bashorat qilinganini ko‘rsatadi.
1. Bahor kelishi bilan tabiat, atrof-muhit bilan bog‘liq qanday yumushlarni 
amalga oshirasiz? Nima uchun?
2. Tarix fanidan olgan bilimlaringizga tayanib, eng qadimgi tarixiy 
obidalarimizda atrof-muhit va tabiat – inson o‘rtasidagi munosabatlar 
qanday tartibga solinganligini izohlang.
3. Milliy qadriyatlarda inson va tabiat munosabatlari qanday tartibga 
solinadi?