Ўзбекистон республикаси қурилиш вазирлиги мирзо улуғбек номидаги самарқанд давлат архитектура-қурилиш институти

3.2. Комплекс иссиқлик изоляция системаси (иссиқлик қобиқ) 
Комплекс иссиқлик изоляция системаси (иссиқлик қобиқ) (3.1-расм) 
янги қурилишда ҳам, мавжуд майдонларни реконструкция қилиш ёки 
капитал таъмирлашда ҳам қўлланилиши мумкин. Бу барча сувалган фасадлар 
учун мўлжалланган. Қаровсиз кўринишга эга бўлган жиддий шикастланган 
ғишт фасадлар учун ҳам тўғри келади.
3.1-расм. Комплекс иссиқлик изоляция системаси (иссиқлик қобиқ):
1-
ташқи девор; 2-иссиқлик изоляцияловчи плиталар (1 ёки 2 қатлам); 3-сувоқ 
қатлам; 4-дюбл; 5- шиша толали арматура, 6- икки қатлам ташқи сувоқ 

---

91 
Буни барпо этишда деворнинг ташқи юзасига (реконструкция қилиш 
пайтида тўғридан-тўғри ташқи сувоқнинг эски қатламига) иссиқлик 
изоляциялаш материаллари қатлами ёпиштирилади, кейинчалик деворга 
қўшимча равишда дюбл билан бириктирилади, шиша толали арматура билан 
қопланиб мустаҳкамланади ва икки қатламли сувоқ билан қопланади. 
Фасадни ушбу иссиқлик изоляция системаси Германияда 1957 йилдан бери 
қўлланилади. 
3.3. Шамоллатиладиган осма фасадлар 
Чиқиш шамоллатиш каналлар системаси билан осма фасадлар ғишт 
фасадлари қуёш, ёмғир ва шамолнинг кучли таъсир этиши туфайли 
зарарланганда (эрозияга учраганда) ҳамда фасад безагига эътибор қаратиш 
зарур бўлган ҳолларда қўлланилади (3.2-расм). Шамоллатиш каналлар 
системаси билан осма фасадлар конструктив мураккаб ва уларни лойиҳалаш 
кўп меҳнат талаб қиладиган жараёндир. Шунинг учун улар комплекс 
иссиқлик изоляция системаси (иссиқлик қобиқ)дан кўра қимматроқдир.
3.2-расм. Шамоллатиш каналлар системаси билан осма фасадлар:
1-
ташқи девор; 2- вертикал ёғоч рейка; 3- шамоллатиш канали; 4- ташқи ёғоч 
қоплама; 5- ёғоч обрешетка, 6- диффузия - ўтказувчан лист; 7-иссиқлик 
изоляцияловчи плита 

---

92 
Аммо уларнинг афзаллиги шундаки, улар комплекс иссиқлик изоляция 
системасига қараганда фасадларни меъморий ва бадиий лойиҳалаш учун 
турли хил имкониятларга эга.