Банк маркетинг стратегиясининг назарий асослари

Белгиланган мақсадларга қўйилган методологик талаблар: 
- реаллик, яъни уларга амалий жиҳатдан эришишнинг мумкинлиги 
(биринчи навбатда банкда мавжуд бўлган ресурслар билан аниқланади) – 
бош талаб сифатида; 
- аниқлик, яъни бевосита бажарувчилар томонидан бир хилда 
тушунилиши ва талқин қилиниши; 
- ўлчовлилик, яъни уларни миқдорий таснифлаш мумкинлиги; 
- вақт давомидаги йўналтирилганлик, яъни қўйилган мақсадларни вақт 
нўқтаи – назаридан дифференцияланиши – узоқ муддатли, ўрта муддатли ва 
жорий ва уларга эришишнинг аниқ муддаларини белгилаш; 
- бир хиллилик, яъни банк фаолиятининг турли йўналишлари бўйича 
мақсадлар қарама – қаршилигининг мумкин эмаслиги. 
 
«Мақсадлар дарахти» - иерархик кетма – кетликда бир – биридан 
келиб чиқувчи банк стратегик мақсадлари жамланмаси бўлиб, қуйидаги 
структуравий элементлардан иборат
: 
«Илдизлар»
- низом фаолиятини олиб боришда ишлатиладиган 
ресурсларнинг келиб тушишининг қуйидаги манбалари жамланмаси: 

---

- молиявий ресурслар билан таъминлаш манбалари (банкларимиз учун 
устувор); 
- информацион ресурслар билан таъминлаш манбалари (хориж 
банклари учун устувор); 
- меҳнат ресурслари билан таъминлаш манбалари (банкнинг 
минтақавий жойлашувига устувор боғлиқ); 
- технологик ресурслар билан таъминлаш манбалари; 
- моддий – техник ресурслар билан таъминлаш манбалари. 
Изоҳ: қўйилган стратегик мақсадлар масштаби ресурс таъминоти 
сифатига бевосита боғлиқ. Шунинг учун, банк раҳбарияти бозордаги 
фаолияти давомида ресурс базасини яхшилаш учун доимий равишда барча 
имкониятлардан фойдаланиши зарур. 
«Дарахт танаси»
- банк миссияси ва ундан келиб чиқадиган бозор 
фаолияти стратегияси (стратегик режани ишлаб чиқишнинг 6 – босқичи).