Buxoro davlat universiteti pedagogika

 
 
 

---

8 
KIRISH 
Bugungi kunda ozod va obod, mustaqil mamlakatimizda barcha sohalar 
qatori ta’lim tizimida ham keng qamrovli yangilanishlar va ijobiy o’zgarishlar 
amalga oshirilmoqda. 
Bunday o’zgarish va yangilanishlar musiqa va san’at sohasida ham olib 
borilmoqda. Jumladan yosh avlodni yuksak madaniyatli, estetik jihatdan 
rivojlangan, har tomonlama yetuk, bilimli, barkamol avlod bo’lib yetishishlarini 
ta’minlash uchun iqtidorli bolalar hamda musiqa san’atiga qiziqishlari yuqori 
bo’lgan bolalar uchun san’at va musiqa maktablari, maktabgacha ta’lim 
muassasalari, barkamol avlod nomli turli xildagi yoshlar markazlari bunyod 
etilmoqda. 
“Kadrlar tayyorlash milliy dasturi”ni amalga oshirishda ta’lim tizimini tubdan 
qayta qurish , ya’ni xalq ta’limi taraqqiyotining tub qoidalarini ko’rib chiqish va 
zamonaviy ta’lim texnologiyalarining jamiyat ravnaqi uchun zarurligi mohiyatini 
anglash, ta’limning barcha sohalarida joriy etish va o’zlashtirish bilan bog’liq 
masalalar hozirgi zamon pedagogikasining dolzarb muammolaridan biridir. 
O’zbekiston Respublikasi Prezidenti Shavkat Miromonovich Mirziyoyev 
tomonidan ishlab chiqilgan 2017-2021-yillarda O’zbekiston Respublikasini yanada 
rivojlantirishning beshta ustuvor yo’nalishi bo’yicha Harakatlar strategiyasi 
loyihasida ham musiqa san’atini rivojlantirishga qaratilgan masalalar ko’rsatib 
o’tilgan. 
Zamonaviy pedagogik texnologiyalarni ta’lim jarayoniga joriy etish asosida 
o’qitish samaradorligini oshirish davr talabi sifatida barcha pedagog o’qituvchilar 
qatorida musiqa o’qituvchisining ham zimmasiga katta mas’uliyat yuklaydi.Har 
qanday fanni, shu jumladan musiqa madaniyati darslarini o’qitish jarayonida ham 
faollashtirilgan, o’quvchilarni darsning faol ishtirokchilariga, mustaqil fikrlovchi, 
mushohada qiluvchi,o’z fikrlarini bildira oluvchi shaxs sifatida namoyon qilishi 

---

9 
uchun imkoniyat yaratuvchi-bu o’qituvchidir. O’qituvchi o’zi va o’quvchilar uchun 
qulay va qiziqarli bo’lgan o’qitish usullari, yo’llari, shakllari, vositalari bilan 
birgalikda ulardan foydalanish shart-sharoitlarini belgilaydi, ilg’or pedagogik 
texnologiyalar yordamida o’quv jarayonisamaradorligini oshirishga harakat qiladi. 
Shu boisdan ham innovatsion pedagogik texnologiya, ta’lim texnologiyalariga 
o’quv jarayonidagi eng samarali vositalar sifatida qaralmoqda. Ulardan bugungi 
kunda jahon pedagogikasi amaliyotida keng foydalanilmoqda .