СоғЛИҚни сақлаш вазирлиги

 
7.8. НОСТАНДАРТ ДОРИ ВОСИТАЛАРИ ВА ТИББИЙ 
БУЮМЛАРНИ ЙЎҚ ҚИЛИШ ТАРТИБИ 
Ишлатишга яроқсиз бўлган дори воситаларини йўқ қилиш тартиби 
бўйича вақтинчалик йўриқнома Ўзбекистон Республикаси ―Дори воситалари 
ва фармацевтика фаолияти тўғрисида‖, Давлат санитар назорати ва Табиатни 
қўриқлаш тўғрисидаги қонунларига асосан ишлаб чиқилган бўлиб, бу 
йўриқнома ишлатишга яроқсиз бўлган, қалбаки дори воситалари ва тиббий 
буюмларни йўқ қилиш бўйича ягона тартибни белгилайди. 
Мазкур йўриқнома стандарт талабларига жавоб бермайдиган ва 
лаборатория тажрибаларидан аниқланган дори воситалари ва тиббий 
буюмлар партиялари, шунингдек қалбаки дори воситалари ва тиббий 
буюмлар учун қўлланилади. 
Бу йўриқномада қуйидаги тушунчалар қўлланилган: 
-
―дори воситалари‖ – келиб чиқиши табиий ва сунъий бўлган бир ѐки бир 
неча дори моддалари (субстанциялар) ҳамда ѐрдамчи моддалар асосида 
ҳосил қилинган, касалликнинг олдини олиш, ташҳис қўйиш ва даволаш 
учун қўллашга рухсат этилган воситалар. Улар жумласига 
иммунобиологик, радиофармацевтик ва парафармацевтик препаратлар, 
гомеопатик, ташҳис қўйиш ва стерилизация воситалари киради; 
-
―тиббий буюмлар‖ – касалликнинг олдини олиш, ташҳис қўйиш ва 
даволаш учун тиббиѐтда қўлланиладиган буюмлар. Улар жумласига 
боғлаш ва тикиш материаллари, шприцлар, қон ва инфузион 
эритмаларни 
қуйишга 
мўлжалланган 
системалар, 
беморларни 
парваришлашда қўлланиладиган ашѐлар ва материаллар киради.
-
―йўқ қилиш‖ – дори воситалари ва тиббий буюмларни ҳар хил усуллар 
ѐрдамида яроқсиз ҳолга келтирувчи йўқ қилиш ҳолати бўлиб, бунда ѐқиб 
юбориш, майдалаб ташлаш, бўлиб ташлаш, қуйдириб ташлаш, ѐки кўмиб 
ташлаш мумкин. 
Мазкур Вақтинчалик йўриқнома талабалари Ўзбекистон Республикаси 
худудидаги дори воситалари ва тиббий буюмлар муомуласи билан 
шуғулланувчи барча даволаш – профилактика муассасалари ва бошқа 
ташкилотлар учун мажбурийдир. 
Йўқ қилиш қуйидаги ҳолларда амалга оширилиши мумкин: 
-
белгиланган яроқлилик муддати ўтганда; 
-
сертификациялаш бўйича синовлар натижасида маҳсулотнинг сифат 
талабига жавоб бермаслиги аниқланганда; 
-
дори воситалари ва тиббий буюмлар Ўзбекистон Республикаси 
Соғлиқни сақлаш Вазирлигида рўйҳатдан ўтмаган бўлса ва уларни 
идентификациялаш имконияти йўқ бўлса; 
-
дори воситалари ва тиббий буюмларнинг қалбакилиги аниқланганда; 
-
бошланғич завод упаковкаси бузилган бўлиб, қайтариб юбориш 
имконияти бўлмаган ҳолларда. 

---

129 
Эслатма: Мазкур йўриқнома ишлатишга яроқсиз гиѐҳвандлик 
воситалари, психотроп моддалар ва прекурсорларни йўқ қилиш тартиблари 
учун қўлланилмайди. 
Йўқ қилиш тартиблари. 
Дори воситалари ва тиббий буюмлар партиясини йўқ қилиш бўйича 
рухсат олиш учун ташкилот раҳбари 10 кунлик муддати орасида Соғлиқни 
сақлаш вазирлигининг Дори воситалари ва тиббий техникаси сифатини 
назорат қилиш Бош бошқармасига (кейинчалик Бош бошқарма) йўқ қилиш 
учун тайѐрланган дори воситаси ва тиббий буюмларнинг номи, серия 
рақами, миқдори, ишлаб чиқарган (фирма) ташкилот номи, давлати ва 
маҳсулот эгаси кўрсатилган тавсиянома жўнатиши керак. 
Юқорида кўрсатилган сабабларга кўра дори воситалари ва тиббий 
буюмларнинг йўқ қилиниши бўйича рухсат Бош бошқарма томонидан 
ташкилот 
раҳбарлари 
келтирган 
тегишли 
аккредитациядан 
ўтган 
лабораторияларнинг маҳсулотнинг меъѐрий хужжатлар бўйича сифат 
талабларига жавоб бермаслиги тўғрисидаги хулосалари асосида қабул 
қилинади. 
Дори воситалари ва тиббий буюмларни йўқ қилиш бўйича беш 
кишидан кам бўлмаган миқдорда, Давлат Табиатни мухофаза қилиш 
қўмитаси ва Санитария – эпидемеологик хизмати соҳаларидан тегишли 
вакиллар жалб этилган ҳолда комиссия тузилади ва ташкилот раҳбари 
томонидан тасдиқланади. Комиссия ўз фаолиятини аъзоларнинг 80% дан кам 
бўлмаган иштирокида амалга оширишга ҳақли. 
Бош бошқарма томонидан рухсат олингандан кейин комиссия 
белгиланган тартибда дори воситалари ва тиббий буюмларни йўқ қилиш 
мумкин. Комиссия томонидан сана, вақт, жой ва йўқ қилинадиган дори 
воситаларнинг физик – кимѐвий мутаносиблигини ҳисобга олган ҳолда йўқ 
қилиш усули белгиланади. 
Йўқ қилишга тайѐрланган дори воситалари ва тиббий буюмлар, 
партиясининг йўқ қилингунга қадар сақланиши ва жавобгарлиги ички буйруқ 
асосида фамилияси, исми ва отасининг исми кўрсатилган моддий жавобгар 
шахсга юклатилиб, сақлашга топширилган дори воситалари ва тиббий 
буюмларнинг номи серияси ва упаковка миқдори кўрсатилади.
Дори воситалари ва тиббий буюмларнинг партиясини йўқ қилиниши 
маҳсулот эгаси ѐки унинг вакили иштирокида – амалга оширилади. 
Маҳсулот партияси йўқ қилингандан кейин комиссия аъзолари дори 
воситалари ва тиббий буюмларнинг йўқ қилинганлиги тўғрисида 
далолатнома тузади. 
Далолатномада қуйидаги маълумотлар келтирилиши керак: 
-
дори воситалари ва тиббий буюмлар партиясининг йўқ қилинган 
жойи, сана ва вақти; 
-
далолатнома тузилган жой, сана ва вақт; 
-
дори воситалари ва тиббий буюмлар номи (серия номери, яроқлилик 
муддати ва ишлаб чиқарувчи номи); 

---

130 
-
йўқ қилинган дори воситалари ва тиббий буюмлар миқдори; 
-
дори воситалари ва тиббий буюмлар партия эгаси (моддий жавобгар 
шахс); 
-
йўқ қилиш учун рухсат ким томондан қабул қилинган; 
-
йўқ қилиш усули тиббиѐт мақсадларда ишлатиладиган товарларни 
йўқ қилишда иштирок этган комиссия аъзолари (фамилия, исми ва 
отасининг исми, лавозимлари кўрсатилган ҳолда). Далолатнома 
комиссия аъзолари имзоси билан тасдиқланади. 
Эслатма.
1. Йўқ қилишга рухсат этилмайди: 
1.1. Суд ва тергов органлари томонидан иш қўзғатилган дори воситалари ва 
тиббий буюмлар партияси, уларнинг сақлаш муддатидан қатъий назар. 
1.2. Агар дори воситалари ва тиббий буюмлар билан шуғулланувчи шахслар 
сифатсиз маҳсулот партиясини Ўзбекистон Республикасидан ташқарига 
чиқариб юбориш тўғрисидаги рекламацияга эга бўлса.