Tibbiyot instituti talabalari uchun

Spermaga shubha qilinuvchi dog’larni topilishi.
Jinsiy jinoyatni 
qidirishda sperma izlarini topilishi muhim ahamiyatga egadir. Ular 
jabrlanuvchining kiyimi va tanasida, voqea sodir bo’lgan joydagi har xil 
predmetlarda, shuningdek ayblanuvchining kiyimlari va tanasida aniqlanilishi 
mumkin.
Spermaga shubhali dog’ oddiy ko’zdan kechirishda va lupa orqali ko’zga 
tashlanadi. Shimiluvchi to’qimalarda sperma dog’lari noto’g’ri shaklda egri-bugri 
ko’rinishda bo’lib, kraxmal qattiqligini eslatadi. Qora to’qimada oqimtir tusli, 
ochida kulrang sarg’ish yoki qo’ng’ir shaklda ko’rinadi. Ba’zan dog’ning yuzasida 
kulrang-oqish qoplama aniqlaniladi. Shimiladigan to’qima va predmetlarda sperma 
izlari kulrang-oqish rangli yaltiroq qoplama shaklida topiladi.
564

---

Spermaga shubha qilingan izlarni izlashda laboratoriyadan tashqarida hech 
bir taxminiy tekshirish o’tkazilmaydi. Shuning uchun ham laboratoriyaga sperma 
izlari bo’lishi mumkin bo’lgan barcha predmetlar jo’natiladi.
Sochga taxmin qilingan ob’ektlarning topilishi. 
Ko’pchilik hollarda odam 
o’ldirish, o’g’irlik, avtomobil halokatlari paytidagi jinoiy qidiruv ishlarida 
sochlarni aniqlash masalasi turadi.
Ko’pchilik hollarda sochni topishda uncha qiyinchilik tug’ilmaydi, biroq 
buning uchun katta ehtiyotkorlik va aniq bir maqsadga yo’naltirilganlik talab 
qilinadi. Sochni izlash uchun yaxshi yorug’lik zarur. Barcha shubhali ob’ektlar 
barmoqlar yoki rezina qoplangan pintset yordamida olinadi va qog’ozli paketlarga 
solinadi. Xar xil joyda topilgan sochlar, albatta, har xil paketlarga joylashtirilib 
ularning ustiga yoziladi hamda uni qaerdan olinganligi ko’rsatiladi. Har bir joydan 
ko’proq soch yig’ilgani ma’qul.
Boshqa biologik ob’ektlarni topilishi.
Organ va to’qimalarning 
bo’lakchalari va zarrachalari ko’pincha transport vositalari, jarohatlovchi asboblar, 
ayblanuvchi tirnog’ining tagidan topiladi. Ba’zan aviatsiya halokatlari vaqtidagi 
murda qoldiqlari tekshiruv ob’ektlari hisoblanadi.