Toshkent davlat yuridik universiteti

Misol tariqasida, 
“iqtisodiy faoliyat” termini Oʻzbekiston Respublikasi Konstitutsiyasining 
53-moddasida, shuningdek “Tadbirkorlik faoliyati erkinligining kafolatlari to‘g‘risida”gi 
Oʻzbekiston Respublikasi qonunining 18-moddasida qo‘llanilgan. 
 
Tadbirkorlik huquqining predmeti
ni tadbirkorlik subyektlarining 
tashkiliy-huquqiy, ishlab chiqarish, ishlarni bajarish va xizmat ko‘rsatish, 
subyektning ichki tuzilmalari o‘rtasidagi, davlatning tadbirkorlik 
subyektlari faoliyatiga umumiy rahbarligi bilan bog‘liq munosabatlar 
tashkil etadi. 
Tadbirkorlik huquqining boshqa huquq sohalaridan farqi 
Tadbirkorlik huquqi fuqarolik, ma’muriy, moliya, mehnat va boshqa 
huquq sohalaridan farqlanadi.
Avvalo, 
fuqarolik huquqi
mulkiy munosabatlarni hamda mulkiy 
xarakterda bo‘lmagan shaxsiy munosabatlarni tartibga solish va 
mustahkamlashga qaratilgan, tadbirkorlik huquqi esa tadbirkorlik 
subyektlari o‘rtasidagi vertikal va gorizontal, bozor sharoitida davlatning 
iqtisodga rahbarlik qilish munosabatlarini tartibga solishga qaratilgan. 
Tadbirkorlik 
huquqi 
subyektlar 
o‘rtasidagi 
tadbirkorlik 
munosabatlarini tartibga solsa, 
mehnat huquqi
esa ish beruvchi bilan 
xodimlarning mehnat shartnomasi asosida munosabatlarini, ichki tartib- 
qoidalarini, ish rejimini va shunga o‘xshash mehnat shartnomasi bilan 
bog‘liq boshqa munosabatlarni tartibga soladi. 
Ma’muriy huquq
ning predmeti ma’muriyatning buyruq hamda ijro 
faoliyati bilan, ya’ni hokimiyat va itoat etish, bir-biriga bo‘ysunish 
sohasidagi faoliyati bilan bog‘liq munosabatdir. Bunday munosabat itoat 

---

21 
etuvchi quyi organlarga va mansabdor shaxslarga o‘z direktivalari orqali 
taʼsir etish, boshqarish, idora etish kabi hokimiyatni amalga oshirish bilan 
izohlanadi. Tadbirkorlik munosabatlarida esa ma’muriy bo‘ysunish 
faoliyatlari kam uchraydi. 
Misol uchun,
 tadbirkorlik subyektlari faoliyatida davlatning umumiy rahbarligi, ya’ni davlat 
nazorati soliqlar bilan taʼsir etish, tadbirkorlik subyektlarining o‘zaro ichki tuzilmalari o‘rtasidagi 
munosabatdan iboratdir.