Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

307-
модда.
 
Ёлғон хабар бериш
Ёлғон хабар бериш, яъни жиноят тўғрисида била туриб ёлғон хабар бериш —
базавий ҳисоблаш миқдорининг икки юз бараваридан тўрт юз бараваригача жарима ёки 
уч йилдан беш йилгача озодликни чеклаш ёхуд уч йилдан беш йилгача озодликдан маҳрум 
қилиш билан жазоланади.
Ўша ҳаракат:
1) айбловнинг сунъий далилларини вужудга келтирган ҳолда;
2) тамагирлик ёки бошқа паст ниятларда;
3) уюшган жиноий гуруҳ манфаатларини кўзлаб;
4) оғир ёки ўта оғир жиноят содир этишда айблаб содир этилган бўлса, —
беш йилдан саккиз йилгача озодликдан маҳрум қилиш билан жазоланади.
Ўша ҳаракат оғир оқибатларга сабаб бўлса, —
саккиз йилдан ўн йилгача озодликдан маҳрум қилиш билан жазоланади.
308-
модда.
 
Ёлғон кўрсатув бериш
Ёлғон гувоҳлик бериш, яъни терговга қадар текширув, суриштирув олиб бориш, 
дастлабки тергов чоғида ёки судда гувоҳнинг ёки жабрланувчининг била туриб ёлғон кўрсатув 
бериши ёхуд экспертнинг, мутахассиснинг била туриб ёлғон хулоса бериши, худди шунингдек 
таржимоннинг бир тилдан иккинчи тилга била туриб нотўғри таржима қилиши —
уч юз соатгача жамоат ишлари ёки бир йилдан уч йилгача озодликни чеклаш ёхуд уч 
йилгача озодликдан маҳрум қилиш билан жазоланади.
Терговга қадар текширув, суриштирув олиб бориш, дастлабки тергов ёхуд ишни судда 
кўриш чоғида ёлғон кўрсатувлар бериш учун гувоҳни ёки жабрланувчини ёки ёлғон хулоса 
бериш учун экспертни ёхуд нотўғри таржима қилиш учун таржимонни пора эвазига оғдириб 
олиш, худди шунингдек уларга ёки уларнинг яқин қариндошларига руҳий, психологик, 
жисмоний таъсир кўрсатиш ёки бошқача тарзда таъсир кўрсатиш орқали ёлғон кўрсатув 
беришга мажбур қилиш ёки ундаш —
уч йилдан беш йилгача озодликни чеклаш ёки уч йилдан беш йилгача озодликдан маҳрум 
қилиш билан жазоланади.
Ушбу модданинг биринчи ёки иккинчи қисмида назарда тутилган ҳаракатлар:
1) уюшган жиноий гуруҳ манфаатларини кўзлаб;
2) оғир ёки ўта оғир жиноят содир этишда айблаб содир этилган бўлса, —
беш йилдан саккиз йилгача озодликдан маҳрум қилиш билан жазоланади.