Пахта селекцияси, уруғчилиги ва етиштириш агротехнологиялари илмий-тадқИҚот институти

 
Диссертациянинг 
«Тадқиқот ўтказиш шароитлари, услублари ва 
етиштириш агротехнологияси» 
деб номланган иккинчи бобида 
тадқиқотлар ўтказилган жойнинг тупроқ-иқлим шароитлари ва тадқиқот 
ўтказиш услублари келтирилган.
Тажрибалар Қашқадарё вилояти Яккабоғ тумани суғориладиган типик 
бўз тупроқлари шароитида ўтказилиб, сизот сувлари сатҳи 8-10 метр 
чуқурликда жойлашган, механик таркиби ўртача қумоқ, шўрланмаган.
Ушбу минтақада тупроқнинг гумус миқдори 0,9-1,3% гача, она жинслар 
бир метр чуқурликдан сўнг бошланади. Тупроғининг ҳажм массаси ҳайдов 
қатламида 1,34 г/см
3
гача бўлиб, ғоваклиги 52-55% гача бўлади. Кўп йиллар 
давомида суғориб деҳқончилик қилиш натижасида гумус ва карбонат тузлари 
тупроқнинг пастки қатламларига ҳам тарқалган, тупроқ қатламларидаги 
гумус миқдори бирмунча камайиб кетган.
Яккабоғ тумани вилоятнинг тоғ-олди ҳудудига хос бўлиб, йиллик ёғин 
миқдори ўртача 293,3 мм, йиллик ўртача ҳарорат 16,9
0
С, фойдали ҳарорат 
йиғиндиси 2450-2800
0
С ни ташкил этади. Ҳавонинг нисбий намлиги ўртача 
31-46% гача, ўсимликнинг ўсув давридаги ўртача суткалик ҳарорат 22,2-24,5 
0
С га тенг, максимал ҳарорат 42-45
0
С гача кўтарилади.
Илмий-тадқиқот ишлари Қашқадарё вилоятининг Яккабоғ туманидаги 
«Раззоқ ота Мейлиев» фермер хўжалигининг типик бўз тупроқлари 

---

11 
шароитида 2014-2017 йилларда дала тажрибалари ўтказилиб, ғўза, 
маккажўхори, нўхат, мош, рапс экинларининг тупроқ унумдорлигига, унинг 
агрофизик ва агрокимёвий хоссалари, кузги буғдой ҳосили ва сифатини 
ўрганишга қаратилган.
Дала тажрибалари 6 вариантда 4 такрорликда олиб борилди. Тажрибада 
ҳар бир пайкал узунлиги 60 м, эни эса 7,2 м бўлиб, ҳар бир пайкалнинг сатҳи 
432 м
2
, шундан ҳисобга олингани 288 м
2 
ни ташкил этди. Тажриба 
вариантлари систематик равишда бир ярусда жойлаштирилган. 
Тажрибада агрокимёвий, агрофизикавий ва микробиологик таҳлиллар 
«Методы 
агрохимических, 
агрофизических 
и 
микробиологических 
исследований в поливных хлопковых районах» (1963), «Практикум по 
агрохимии»(1985), «Практикум по агрономической химии» (1968), 
«Агрохимические исследований почв» (1965), «Методы агрохимических 
исследований» (1980) услубий қўлланмалари асосида олиб борилган. 
Тажрибада қуйидаги агрофизик таҳлиллар олиб борилди. Тупроқнинг 
сувга чидамли агрегатлари (%) ҳар бир вариантдан 4 такрорликда 0-30 ва 30-
50 см қатламда, кузги буғдой вегетацияси бошида ва охирида Н.А.Качинский 
усулида; тупроқнинг ҳажм массаси (г/см
3
) 4 такрорликда цилиндр усулида 
Н.А.Качинский бўйича; солиштирма массаси (г/см
3
) 4 такрорликда
пикнометрик усулида; тупроқнинг ғоваклиги (%) тупроқ ҳажм массаси ва 
солиштирма массасига кўра ҳисоблаш усулида; тупроқнинг сув 
ўтказувчанлиги (м
3
/га) ҳар бир вариантдан 4 такрорликда яхлит усулда 
бажарилган. 
Тупроқдаги микроорганизмларга ўтмишдош экинларнинг таъсири 
бўйича ўтказилган микробиологик таҳлилларда бактериялар гўшт пептонли 
агарда (ГПА), замбуруғлар Чапек муҳитида (Среда Чапека), актиномицетлар 
крахмал-аммиакли агарда (КАА) ўстирилиб, аниқланган.
Тажриба даласи тупроқларининг агрокимёвий тахлиллари қуйидаги 
усулларда амалга оширилди. Тупроқ таркибида гумус миқдори И.В.Тюрин 
(ГОСТ-26213) усулида, ГОСТ-13496-10; ялпи азот, фосфор ва калий 
И.М.Мальцев, Л.П.Гриценко бўйича, нитрат шаклидаги азот миқдори 
Грандьвал-Ляжу бўйича, аммоний шаклидаги азот миқдори Несслер 
реактивида, ҳаракатчан фосфор Б.П.Мачигин ва алмашинувчан калий 
П.В.Протасов усули бўйича аниқланди.
Диссертациянинг