Maxsus pedogogika 2016. indd

Ilmiy-metodik manbaalarni o‘rganish. Maktabgacha surdope-

dagogika  nazariy  adabiyotlarni  o‘rganish  metodlaridan  ham 

foydalanadi. Surdopedagogikaga  oid  adabiyotlarning material-

lari qo‘yilgan muammoni o‘rganish, boshqa metodlar (kuzatish, 

eksperiment,  suhbat,  pedagogik  tajribani  o‘rganish)  vositasida 

olingan tasavvurlarni ilmiy-metodik ma’lumotlar bilan tasdiqla-

nishini nazarda tutadi. Odatda, ta’lim-tarbiyaga oid muammoni 

o‘rganish tegishli adabiyotni tahlil qilishdan boshlanadi. Ilmiy 

metodik adabiyotlar turli sohalarga oid bo‘lishi mumkin: mak-

tabgacha  va maktab surdopedagogikasi  (monografiyalar, ilmiy 

asarlar to‘plami, darsliklar, metodik qo‘llanmalar); maktabga-

cha pedagogika va psixologiyaga oid adabiyotlar; defektologiya 

tarmoqlari,  oligofrenopedagogika,  logopediya,  tiflopedagogika 

bo‘yicha  adabiyotlar  va  boshqalar  shular  jumlasidan.  Bundan 

tashqari doimiy nashrlar, masalan «Defektologiya», «Boshlan-

g‘ish ta’lim», «Maktabgacha ta’lim», «Maktab va hayot», «Xalq 

ta’limi»,  «Tarbiyachi»,  «Ta’lim  texnologiyalari»,  «Bola  va  za-

mon» va boshqa jurnallar, lug‘atlar, metodik adabiyotlardan ham 

o‘rganilayotgan  muammo  bo‘yicha  ma’lumot  tahlil  qilinadi. 

Turli mavzularni o‘rganish chog‘ida ilmiy-metodik manbalarni 

o‘rganish nazarda tutiladi, biroq ayrim hollarda, masalan, sur-

dopedagogikaning  tarixini  o‘rganishda,  mavjud  ta’lim-tarbiya 

tizimining konseptual (yo‘riqnoma) nizomlarini tadqiq etishda 

u yetakchi rol o‘ynaydi.