Узлуксиз таълим тизимида малакали кадрлар тайёрлаш муаммолари

O‘quvchi shaxsini rivojlantirishga yo‘naltirilgan ta’lim modeli 
O‘quvchi shaxsini rivojlantirishga yo‘naltirilgan ta’lim modelining markazida 
o‘quvchi (bola) turadi. Har bir qadam, ham bir maqsad o‘quvchining ehtiyojlaridan kelib 
chiqib belgilanadi. Bu falsafani oddiy misol orqali tushuntirish mumkin. Aytaylik, 
o‘qituvchi o‘quvchilarning ijodkorlik qobiliyatlarini rivojlantirishni maqsad qildi. 
An’anaviy ta’lim modelida u bolalarga nimani o‘rgatadi? Albatta, o‘zi bilgan narsani. 
Masalan, rasm chizishni yoki applikatsiya qilishni. 

---

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
20 
O‘quvchi shaxsini rivojlantirishga yo‘naltirilgan ta’lim modelida pedagog 
o‘quvchilarning ehtiyojlarini o‘rganadi va ularning har biri o‘zi istagan mashg‘ulot bilan 
shug‘ullanishi uchun sharoit yaratadi. Shu jarayonda o‘rganishni ham tashkil qiladi. 
O‘quvchi shaxsini rivojlantirish omillari 
Bolani to‘laqonli komil inson bo‘lib ulg‘ayishi haqidagi qarashlar inson o‘sishi va 
rivojlanishi barcha sohalarning bir-biri bilan o‘zaro bog‘langanganligi tamoyiliga 
asoslanadi. Bu faqat bir yoki bir nechta sohani chuqurroq egallash maqsadida amalga 
oshiriladi. Bolaning o‘sishi va rivojlanish sohalari bir-biri bilan juda yaqindan bog‘liq va 
doimo bir-birini qo‘llab-quvvatlaydi. Har qanday malaka, xoh u oddiy, xoh murakkab 
bo‘lsin, boshqa malakalar bilan birga rivojlanadi. 
Bola shaxsining rivojlanish sohalari 6 ta bo‘lib, ular o‘z ichiga quyidagilarni oladi: 
jismoniy, harakat, sezish, anglash, til va ijtimoiy-hissiy. 
Bu olti soha bolaning normal 
rivojlanishidagi asosiy komponentlarga diqqat qaratishga yordam beradi va ular bolaning 
rivojlanish davridagi ulg‘ayishlarni tasvirlash uchun ishlatiladi. Har bir rivojlanish sohasini 
tushunish bolaning malaka va xulq-atvorining hozirgi va boshidagi holatlarini baholash 
uchun foydali bo‘ladigan tasavvurni yaratadi. Bolalarning shaxsiy yutuqlari sohalar bo‘ylab 
farqlanadi; bola erta qadam qo‘yishi va kech gapirishi mumkin. Bu kabi sohalarning 
rivojlanishi o‘qishga zarur imkoniyatlar va rag‘batlantirishga bog‘liq.