Холдор Чиниқулов, Анвар Жўлиев

 
Ультраметаморфизм 
жинслари.
Ультраметаморфизмда 
асосан мигматитлар, гранитлар ва гнейс-гранитлар пайдо бўлади. 
Мигматитлар
таркиби бўйича биржинсли бўлмаган йўл-
йўлли текстурали жинслардир. Улар меланократли субстратда 
лейкократли 
қатламчаларнинг 
ривожланганлиги 
билан 
характерланади. Мигматитлар таркибининг асосини ўрта ва юқори 
даражали метаморфизм жинслари - кристалли сланецлар, гнейслар, 
амфиболитлар ташкил этади. Мигматитларнинг лейкократли қисми 
одатда кварц-дала шпатили таркибга эга бўлиб, у аплитларга ва 
пегматитларга яқин. 
Гнейс-гранитлар
- метаморфик жинсларнинг гранитизацияси 
жараѐнида тўлиқ ўзгарган гранит таркибли ва гнейсли текстурага 
эга жинслардир. 
Амалий аҳамияти.
Амалий аҳамиятга эгамас.
 

---

111 
 
Контакт метаморфизми жинслари. 
Улар роговиклар ва 
скарнлардан таркиб топган.
 
Минерал таркиби пироксенлар, 
плагиоклазлар, гранатлардан иборат. Паст ҳароратли турлари 
эпидот, актинолит, карбонатлар ва маъданли минераллардан таркиб 
топган бўлади. 
Келиб 
чиқиши.
 
Роговиклар 
ѐндош 
алюмосиликатли 
жинсларга, скарнлар эса ѐндош карбонатли жинсларга нордон 
магманинг ѐриб кириши туфайли контакт метаморфизми зонасида 
модда алмашуви натижасида ҳосил бўлади. Бу жараѐнларда иссиқ 
магматоген эритмалар қатнашади. 
Силикатлар ва алюмосиликатлардан (пироксенлар ва 
гранатлар) таркиб топган оҳакли ва магнийли минераллардан 
(форстерит, диопсид, шпинел, флогопит) иборат магнезиал 
скарнлар ажратилади. Оҳакли скарнлар аксарият ҳолларда паст ва 
ўрта чуқурлик (10-12 км гача) шароитларида постмагматик 
босқичда вужудга келади. Магнезиал скарнлар ѐриб кирувчи магма 
билан доломитлар орасида кечадиган реакция жараѐнлари 
таъсирида ѐки катта чуқурлик шароитларида (10-12 км дан ортиқ) 
ҳосил бўлади. 
Амалий аҳамияти
.
Скарнлар муҳим амалий аҳамиятга эга. 
Улар билан мис, темир (магнетит), молибден (молибденит), 
вольфрам (шеелит), қалайнинг (касситерит) фойдали қазилма 
конлари боғлиқ. Шу туфайли саноат аҳамиятига эга конларнинг 
алоҳида скарнли тури ажратилади.