Ўзбекистoн республикаси олий ва ўрта махсус таълим вазирлиги самарқанд давлат чет тиллар институти

 
 6.Мулоқотни ўргатиш жараёнида талаффузга ўргатиш дарсининг 
методик характеристикаси. 
Мулоқотни ўргатиш жараёнида талаффуз 
кўникма ва малакаларини шакллантиришда муайян фонетик, лексик, 
грамматик материални ўз ичига олувчи коммуникатив топшириқларни жуфт 
ёки гуруҳ бўлиб бажариш самарадор усул сифатида тан олинмоқда. Бунда 
топшириқни бажариш жараёнида бир йўла фонетик, лексик, грамматик, 
тинглаб тушуниш кўникма ва малакаларини комплекс шакллантириш ва 
ривожлантириш кўзда тутилади. 
Талаффуз 
кўникма 
ва 
малакаларини 
шакллантириш 
ва 
ривожлантиришнинг коммуникатив усули деб тан олинаётган бу ёндашув 
бугунги кундаги чет тили ўқитишнинг асосий мақсади – мулоқотга ўргатиш 
принципларига асосан уюштирилади. Масалан, хорижий тил мутахассислик 
сифатида ўргатиладиган олий ўқув юртларида амалий фонетика дарсларида
товушларнинг нутқий органларнинг ҳолатига кўра акустик усулларда 
ўргатиш сўз ва жумлалар талаффузининг коммуникатив топшириқлар 
бажартириш билан қўшиб олиб борилади. 
Мулоқот жараёнида янги сўзларни ва коммуникатив топшириқларнинг 
талаффузига ўргатиш уч босқичда ташкил қилинади:
Биринчи босқичи
да эшитилган янги сўз ёки коммуникатив 
топшириқнинг талаффузи, график ифодаланиши, унинг лексик, грамматик, 
синтактик белгилари, талаффуз тимсоллари билан таништирилади, идрок 
қилинади ва дастлабки кўникмалар шакллантирилади. 
Иккинчи босқич
да сўзнинг бошқа сўзлар билан бирикуви, янги сўз 
билан жумла ясаш машқлари амалга оширилади,янги сўз иштирогида 
тузилган коммуникатив топгириқни бажариш усуллари тушунтирилади.
Учинчи босқичда
ўкувчилар жуфтликларга бўлинади ва уларнинг 
коммуникатив топшириқларни мустаҳкамлаш фаолияти ташкил қилинади. 
Топшириқларнинг ҳар бири кўп марталик такрорга асосланган, топшириқни
ўзаро савол жавоб жараёнида кафолатли ўзлаштиришга йўналтирилган 
тақлидий(имитация), трансформацион, репродуктив машқлар орқали ташкил 
қилинади. 
Бу жараёнда коммуникатив топшириқ ичидаги фонетик, лексик, 
грамматик синтактик дифференциал белгилар идрок қилинади ва фикр 
алмашув жараёнида мустаҳкамланади. Машқларни бажариш жараёнида 
таянч ва аудио-визуал воситаларнинг барча турларидан кенг фойдаланилади.
Бу жараёнда шакллантириладиган талаффуз кўникмалари лексик, 
грамматик, тинглаб тушуниш, мулоқотга киришув кўникмалари билан 
чамбарчас боғлиқлиги таъминланади. 

---

51 
Топшириқларни 
мустаҳкамлашда 
талаффуз 
равонлигини,
ўқувчиларнинг қувноқ кайфиятини, фаолллигини таъминлайдиган 
эмоционал таъсир воситаларидан бири - коммуникатив топшириқни 
ўқувчилар севиб тинглайдиган бирор ашуланинг мусиқа садолари остида 
куйлашга ўргатишдир. Бундай «куйлаш» ўқувчилар жуфтликлари орасида 
ёки бутун синф ўртасида дастлаб шивирлаб, кейин овоз чиқариб 
уюштирилади. Қувноқ мусиқа жараёнида ўрганиладиган жумланинг 
талаффузи, ифодалаган маънолари осон ўзлаштирилади, турли имо-
ишоралар (пантомима) орқали кўрсатилиши эса нутқ машқини 
қизиқарлилигини таъминлайди.
Шакллантирилган дастлабки талаффуз, лексик, грамматик, тинглаб 
тушуниш кўникмалари ўқув лабораториясида ташкил қилинадиган паузали 
коммуникатив машқларни бажариш жараёнида ва уйга вазифани ёзма 
бажариб келиш орқали ўч бора мустаҳкамланади. 
Шакллантирилган фонетик, лексик, грамматик, тинглаб тушуниш 
кўникмалари ва малакалари навбатдаги машғулотда жуфт ёки гуруҳ бўлиб 
ишлаш орқали текширилади ва баҳоланади.