Ўзбекистон республикаси фанлар академияси

ДИАЦЕТАТ СЕЛЛЮЛОЗА АСОСИДА ГИБРИД ГАЗ СЕЗГИР МАТЕРИАЛЛАР ОЛИШ 
Г.Б.Эшмуродова, Д.Т.Тошпулатов, С.У.Тиллаев – доцент, кимё фанлари номзоди 
Самарқанд давлат университети. [e-mail] 
 
Замонавий материалшуносликнинг муҳим йўналишларидан бири – хоссалари олдиндан 
маълум бўлган наноматериаллар олиш ва улар асосида турли ақлли қурилмалар, масалан газ 
сенсорлари яратишдир. Бу масалани ҳал этиш учун кимёвий инерт матрицага турли каталитик 
фаол бирикмалар, адсорбентлар киритиш асосида хоссалари яхшиланган нанокомпозит 
материаллар олиш муҳим. Юқоридагилардан келиб чиқиб, ишда поликонденсация жараёни 
талаб этилмайдиган, органик полимерлар – модификацияланган селлюлоза (диацетат 
селлюлоза – DAS) ва полиакрилонитрил материаллари ҳамда уларнинг кремнезем билан 
гибрид нанокомпозит материаллари олиш борасидаги тадқиқотлар натижалари келтирилган.
Тажрибада 50 мл ли колбага 20 мл диметилформамид қуйилиб, 2 гр DAS эритилди. 
Оғзи беркитилган идишда 3 соат давомида магнитли аралаштиргичда аралаштирилади. Хона 
ҳароратида бир суткага қолдирилди. Механик арашмалардан тозалаш учун Шотта филтридан 
ўтказилди. Алоҳида 25 мл ли колбага лантаннинг карбонатли тузи кристаллогидратидан 0,8 гр 
солиб, унга 9 мл 0,1N ли HCl л кислотадан қўшамиз. Эритма 10 дақиқа чайқатилади. Лантан 
карбонат эриб, эритмада лантаннинг хлориди ҳосил бўлади. Олинган чўкма массаси аввал 
филтр қоғозда филтрланди, кейин ўзгармай қолгунча қуритиш шкафида қуритилди ҳамда 
тарозида ўлчанди 0,677 гр чўкма ҳосил бўлди. Лантаннинг олинган хлоридли тузи бир сутка 
тиндирилган шаффоф диметилформамид эритмасига қўшилади. Магнитли аралаштиргичда 3 
соат давомида аралаштирилади. Ҳосил бўлган таркибида 2% лантанли DAS нинг 10%ли 
эритмаси zol-gel жараённи олиб бориш учун ишлатилди. Олинган эритмалар шаффоф бўлиб, 
совутилганда маълум вақтдан сўнг гел ҳосил бўлди.
Олинган гибрид материалларни тузилиши ва структурасини IQ спектроскопия усулида 
ўрганилди. DAS ва гибрид материалларни IQ спектрларини таққослаш вақтида 3200-3500 см
-1
частоталарда ютилиш интенсивлиги юқорилиги кузатилди. Бу DAS ва кремнезем тўрининг 

---

154 
макромолекулалари ўртасидаги молекулалараро водород боғлари туфайли содир бўлади. -OH 
гуруҳлари сабабли юзага келадиган тебранишлар учун хос бўлган 3100-3700 см
-1
чизиқ 
интенсивлиги эътиборга лойиқ, гибрид диасетаткремнеземли материалларда чизиқ 
интенсивлиги ва кенглиги бироз ортган бўлади. Натижаларга кўра хулоса қилиш мумкинки, 
нанодисперс кремнезем иштирокида DAS макромолекулаларининг асетат гуруҳларида ўзаро 
таъсирлар содир бўлади ва янги сифатли гибрид материаллар ҳосил бўлади. Бу материаллар 
таркибига қўшилган катализатор турига қараб, метан, аммиак ва ис газининг адсорбсияси 
турлича бўлишлиги кузатилди. Тайёрланган материаллардан метан, аммиак ва ис газининг 
аниқлашда фойдаланиш мумкин.