Бухоро давлат университети жисмоний маданият факультети

Ishning maqsadi:
Reklama-sport-oila faoliyatini yo`lga qo`yish orqali yosh avlodni har tomonlama 
sog`lig`ini mustahkamlash. 
Vazifalari: 
-ijtimoiy qatlamlarda jismoniy tarbiya va sport borasidagi bilimlarini kengaytirish; 
-maktablarda, mahallalarda, ommaviy axborot vositalarida ma`naviy-ma`rifiy tadbirlar asosida 
yoshlarda sport turlari va sport to`garaklari borasida tushunchalar berish, ularni sportga jalb etish; 
-sport murabbiysi va sportchining oilasi o`rtasida o`zaro hamkorlik aloqalarini o`rnatish;
Ommaviy axborot vositalarida xilma-xil reklamalarga ko`zingiz tushadi. Ular orasida dorilar, yangi atir, 
sovun, har-xil iste`mol mahsulotlari bisyor. Har daqiqada, sizga kerakmas bo`lgan paytda ham tomosha 
qilayotgan ko`rsatuvingizni qiziq joyida reklamalarni uzatishadi. Lekin, hech ko`zingiz tushganmi quyidagicha 
reklamaga?: 
“Sog`lom bo`lishni xoxlaysizmi? Kuchli bo`lishni, chempion bo`lishnichi? Balki, sport musobaqalarida 
qatnashib, dunyo bo`ylab sayohat qilishni xoxlarsiz? Buning yo`li oddiy. Yengil atletika bilan shug`illaning! 
va bularning barchasiga erishing! Biz siz bilan shug`illanishga doim tayyormiz. Manzil: Mirzo Ulug`bek 
tumani 2-son BO`SM. Muloqot uchun telefon raqamlarimiz: 747-11-22. Mashg`ulotlarimiz bepul!” 
Xo`sh, oilangiz bilan dasturxon atrofida jam bo`lganda televizoringizda shunday reklama uzatilsa, 
qanday fikr bildirgan bo`lardingiz? Sog`ligini tiklash uchun cho`ntagidan pul sarflab, dori vositalari iste`mol 
qilgandan ko`ra, iqtisodiy tarafdan ham qulay, ham mamlakatimiz taraqqiyotida o`z hissasini qo`shadigan 
farzandlarning ota-onasi bo`lish kimga yoqmaydi deysiz! Bunday reklamani ko`rgan nafaqat ota-ona, balki 
farzandlarning o`zida ham shug`illanish istagi paydo bo`ladi. Bu reklamada mazkur sport turi bo`yicha 
chempionlar hayoti va ularning erishgan yutuqlari ham keltirilsa, nur ustiga a`lo nur bolar edi. Chempionlarga 
havas hisi bilan shug`illanish yosh sportchilarga yanada kuch qudrat bag`ishlaydi. Ularda sport madaniyati 
shakllanishiga zamin bo`ladi. 
Murabbiy bilan sportchining ota-onasi muntazam aloqada bo`lishi bundanda ijobiy natijalarni berishi 
shubhasiz. Chunki, sportchi mashg`ulotda murabbiy nazoratida, uyda esa, ota-ona nazoratida bo`ladi. 
Mashg`ulotda energiya sarflangandan keyin navbatdagi mashg`ulotga qadar dam olishi, quvvatli, vitaminli 
mahsulotlar iste`mol qilishi, normal uyqu, massaj, sauna bularning barchasi sportchi uchun juda katta 
ahamiyatga ega. Murabbiy bularni birday nazorat qila oladimi? Yoki, ota-onalar farzandining mashg`ulotda 
qanday mashq bajarganligini so`rab, shuni inobatga olib sarflangan energiyani qoplaydigan ovqat 
tayyorlaydimi? Yo`q albatta! Har doim ham bunday emas. Buning uchun ota-ona oldin farzandining 
mashg`ulotdagi jismoniy holatidan, murabbiy esa sportchining ijtimoiy hayotidan xabardor bo`lishi lozim. Oila 
ko`magi sportchi uchun ruhiy dalda ekanini ham unutmasligimiz kerak. “Qars ikki qo`ldan chiqadi” – degan 
naql bor dono xalqimizda. Anashundagina biz kutgan, kuchli quratli, jamiyatimizga foydasi tegadigan 
barkamol yoshlarni tarbiyalagan bo`lamiz desak mubolag`a bo`lmaydi.
Xulosa.
Sog`lom muhitni shakllantirish uchun ijtimoiy qatlamlarning salomatlik borasidagi, jismoniy 
tarbiya va sport borasidagi bilimlarini kengaytiri-shimiz va bu bilimlarni amaliyotga tadbiq etishimizda 
reklama-sportchi-murabbiy faoliyatini izchilligini ta`minlash muhim ahamiyat kasb etadi. Sog`lom muhitda 
tarbiyalanayotgan sportchi-yoshlarimiz Osiyo va jahon arenalarida o`zbekning mard farzandi ekanligini 
isbotlashmoqda. Chempionlarimiz yaratilgan imkoniyatlardan oqilona foydalanishni anglaganliklari uchun 
shunday shohsupani zabt etgani ajab emas! Bunday imkoniyat har birimizda bor. Har birimizning qo`limizdan 
keladi. Harakat qilishimiz, intilishimiz, izlanishimiz va targ`ib qilishni unutmasligimiz lozim.