С а д р и д д и н а й н и й э с к и м а к т а б

Чунки тилакни тўғридан-тўғри унга очаолмас эди, бошлаб тўй
масаласидан гап очди:
— Энди қўлимизда ҳеч нарса қолмади, қандай тўй қиламиз? —
деб Одина бувисидан маслаҳат сўради.
Ойшабиби:
— Албатта, қуруқдан-қуруқ тўй бўлмас, ҳозирча сабр қилмоқ
керак, «худо — пошшодир», деганлар, букун бўлмаса эртасига
ҳам марҳамат назарини солар, сенга ҳам бирор нарса берар,
ўша вақтда тўй қилармиз,— деб маслаҳат берди.
Даъводан кечиш ҳақидаги ҳужжат.
46
www.ziyouz.com kutubxonasi

---

— «Худо — пошшодир», деганлар деб қараб ўлтириш,— деди
Одина,— бева кампирларнинг ишидир. Пул ва нарса ҳеч бир вақт-
да осмондан тушган эмас ва тушмас. Агар ишсиз, ҳаракатсиз
таваккал қилиб ўлтирсак, тўй қилиш нари турсин, очликдан ўлар-
мнз. Менинг фикримча, халққа тўй бермасдан никоҳ қилайлик,
ундан кейин кундалик тирикчилигимизни кундалик меҳнатимиз
билан бир нав қилиб ўтказа берамиз.
Однна катта онасининг энг нозик еридан тутган эди. Чунки
сочини урф-одат орасида оқартирган етмиш яшар бир кампир ота-
боболар расмини тамом йўқотиш нари турсин, ундан бир қадам
ҳам четга чиқишни истамас эди. Шунинг учун:
— Тўйсиз никоҳ қилишимиз бўлмаган бир иш,— деб Одина-
нинг бу фикрини узил-кесил рад қилди,— У ҳолда, халқ орасида
нечук бош кўтариб юра оламиз: «Беш қадоқ гуруч дамлашга
қурбингиз етмас экан, нима учун хотин олишни, келин тушириш-
ни ҳавас қилдинглар», демайдиларми? Халқ сўзига қулоқ солмасак
бу иш бўладиган иш эмас. Чунки, менинг ҳам кўнглимда орзу-
ҳавасларим бор, сенинг тўйингда халққа ош-нон тортиш, келин
туширувимни дўст-душман орасида маълум қилиш бирдан-бир
истагимдир. Тўй-томоша қилмасдан сени уйлантирсам, дунёдан