1. мавзу : Yog`och materiallarini

6- rasm. Reja chiziq tushiradigan ipdan foydalanish. 
Xatkash bilan chiziqlar quyidagicha tushiriladi: uning taxtasidan o‘tkir mixli 
tayoqchasi surib chiqariladi va kerakli vaziyatda o‘rnatiladi, bunda tayoqcha mixdan 
xatkash taxtasigacha bo‘lgan oraliq chiziqdan taxta qirrasigacha bo‘lgan oraliqqa teng 
bo‘lishi lozim. Chiziqlar tekis va ingichka chiqishi uchun xatkash taxtasi detal qirrasiga 
mahkam qisiladi va u bo‘ylab birtekis, ravon hamda qiyshaytirmasdan siljitiladi. 
Xatkashni o‘zimizdan nariga sursak, chizish osonlashadi. Agar xatkash mahkam 
qisilmasa va qiyshaytirib ushlansa, chiziq egri-bugri, notekis va taxta qiyasiga noparallel 
chiziladi. Aniq chiziq tushirish uchun xatkashning mixi egov bilan o‘tkirlab turiladi. 
Oddiy xatkash yordamida taxta qirrasidan ko‘pi bilan 100-150 mm oraliqda 
chiziq tushirish mumkin bo‘lgani bois bundan kattaroq oraliqda chiziq chizish uchun 
shchit xatkashidan foydalaniladi. Bunday xatkash bilan chiziqlar oddiy xatkash kabi 
tushiriladi.