Jinoyat oraliq 1

 
64. 
Jazolarni qo‘shishning hisoblash qoidalari qanday 

---

Asosiy jazolarni qo‘shib hisoblash ozodlikdan mahrum qilish jazosi miqdoriga qarab 
belgilanadi. JK 61-moddasiga ko‘ra har-xil turdagi asosiy jazolarni ko‘shganda ozodlikdan 
mahrum qilishning bir kuni:
- ozodlikni cheklash yoki intizomiy qismga jo‘natishning bir kuniga; 
- axloq tuzatish ishlari yoki xizmat bo‘yicha cheklashning uch kuniga;
- majburiy jamoat ishlarining 4 soatiga to‘g‘ri keladi.
Jarima yoki muayyan huquqdan mahrum qilish tariqasidagi jazolar ozodlikdan mahrum 
qilish, intizomiy qismga jo‘natish, ozodlikni cheklash, xizmat bo‘yicha cheklash, axloq 
tuzatish ishlari, majburiy jamoat ishlari jazolari bilan ko‘shilganda har qaysi jazo turi alohida 
ijro etiladi. JK 61-moddasi qoidalariga ko‘ra axloq tuzatish ishlari, xizmat bo‘yicha cheklash, 
ozodlikni cheklash va intizomiy qismga jo‘natish, majburiy jamoat ishlari jazolari biri-biri 
bilan qo‘shilmaydi, balki ushbu jazo turlari faqatgina ozodlikdan mahrum qilish jazosigagina 
qo‘shilishi mumkin. Sud jazo tayinlash vaqtida ushlab turishning, qamoqqa olishning yoki uy 
qamog‘ining har bir kunini:
- ozodlikni cheklashning, intizomiy qismga jo‘natish va ozodlikdan mahrum qilishning bir 
kuniga;
- axloq tuzatish ishlari yoki xizmat bo‘yicha cheklashning uch kuniga; 
- majburiy jamoat ishlarining 4 soatiga tenglashtirib hisoblaydi (JK 62-moddasi). 
Ushlab turilgan, qamoqda yoki uy qamog‘ida saqlangan shaxsga sud tomonidan jarima 
tayinlashda ushlab turishning, qamoqda yoki uy qamog‘ida saqlashning bir kunini bazaviy 
hisoblash miqdorining 1/2 qismiga tenglashtirib hisobga oladi.