Pedagogika psixologiya kafedrasi bolalarni ta’lim muhitiga moslashtirish uchUN

2. Fonematik idrokni rivojlantirishga qaratilgan o`yinlar 
 
Fonetik-fonematik nutq kamchiligiga ega bo`lgan bolalarning og`zaki 
nutqini o`rganish shuni ko`rsatadiki, ularning nutqi kundalik muloqot 
ehtiyojlarini qondiradi. Ularning talaffuzida nutqning leksik-grammatik qatorida 
qo`pol buzilishlar kuzatilmaydi. Bu bolalar uchun fonematik idrokning 
shakllanish jarayoni tugallanmaganligi xosdir. Nutq kamchiliklari tovushlarini 
noto`g`ri talaffuz qilish bilan chegaralanib qolmay, shuningdek tovushlarni etarli 
farqlamaslik va so`zni tovush tomondan tahlil va tarkib qilishdagi 
qiyinchiliklardan ham iborat. 
Fonematik idrokni rivojlantirish korrektsion-logopedik ishning eng asosiy 
yo`nalishidir. Bu ishlar tovushlar tahlili ustidagi ish bilan o`zaro bog`liqlikda olib 
boriladi. SHu bilan birga tovushlar talaffuzidagi kamchiliklarni bartaraf etish 
ishlarini fonematik idrokni rivojlantirishga qaratilgan ishlar bilan birgalikda olib 
borilgandagina yaxshi natijalarga erishiladi. Quyida biz, fonematik idrokni 
rivojlantirishga qaratilgan o`yinlardan namunalar keltiramiz.