Rivojlantirishning ilmiy asoslari va muammolari ilmiy tadqiqot markazi xalqaro menejment

 
Xulosalar 
1. Xalqaro firmada inson resurslarini boshqarish xususiyatlari xorijiy 
filiallarning xodimlar siyosati bilan bog‘liq. Xalqaro korporatsiyalarda 
inson resurslarini boshqarish bo‘yicha turli xil yondashuvlarning mavjud 
bo‘lishiga qaramay, ularning aksariyat qismi belgilangan maqsadlarga 
erishish hamda xorijda korxonaning iqtisodiy rivojlanishi uchun yuqori 
malakali xodimlar muhim ahamiyatga egaligini e’tirof etadi.
2. Kompaniya shtatini to‘ldirish jarayonida malakali mutaxassislarga 
bo‘lgan ehtiyojni hisobga olmaslik aslo mumkin emas. Har bir firma o‘z 
ishini yuqori darajada bajarish hamda malakasini oshirish layoqatiga ega 
bo‘lgan xodimlar va yollanma xodimlarga bo‘lgan ehtiyojni aniqlashdan 
boshlashi zarur.
3. Xalqaro miqyosda inson resurslarini boshqarish mamlakat 
ichkarisida inson resurslarni boshqarishdan katta farqlanadi. 
4. Xorijiy korxonalarni boshqarish shakllari ko‘proq ish beruvchining 
qaysi mamlakatda biznes bilan shug‘ullanayotganligi hamda inson qaerda 
faoliyat olib bormoqchi ekanligiga bog‘liqdir. Kompaniya xorijdagi 
filialining rahbari mustaqil ishlay olish qobiliyatiga ega bo‘lishi kerak, 
chunki xorijdagi ko‘pgina vazifalar xarajatlarni qisqartirish maqsadida 
bekor qilingan.
5. Xalqaro firmalar boshqaruv xodimlarini, odatda, mahalliy fuqarolar 
va ekspatriantlar (xorijdan kelgan xodimlar)ga bo‘lishadi. Ekspatriantlar 
o‘z navbatida kelib chiqish mamlakati fuqarolariga va uchinchi davlat 
fuqarolariga bo‘linadi.
6. Firmalar uchun ekspatriantlar tanlab olishda faqat texnik 
bilimdonlik 
mezoniga 
e’tibor 
bermasdan, 
yangi 
madaniyatga 

---

222 
moslashuvchanlik qobiliyatining uch tomonini, ya’ni o‘zini saqlash, 
mahalliy xodimlar bilan qoniqarli munosabatlarni tashkil qilish, bilim 
olish qobiliyatini hisobga olish zarur. 
7. Uzoq muddatli xizmat safaridan qaytgandan so‘ng , asosan, uch xil 
muammo paydo bo‘ladi: shaxsiy moliyaviy ahvol, korporatsiyadagi 
o‘zgargan sharoitlarga qayta moslashish, o‘z mamlakatidagi hayotga 
moslashish. 
8. Xorijiy davlatlarda ishlab chiqarishni yo‘lga qo‘yayotgan 
kompaniyalar mehnat bozoridagi farqlarni hisobga olishi zarur.