Kostyum tarixi

Dupatta
– hind libosidagi yopinchiq. 
Dxoti
– hind erkaklar bel kiyimi. 
Elechek
– qirg’iz ayollarining bosh kiyimi. 
Eri
– yapon libosida yoqa. 
Erkaklar yelkada turuvchi maishiy ustki kiyimlari
– ko’ylak, nimcha (jilet), 
pidjak, ko’rtka, plash, palto, shuningdek, nisbatan kam kiyiladigan bluzon, syurto’q, 
frak va shu kabilar. 
Ettyu
fundosi
– yapon libosidagi fundosining ikkinchi turi, u kaltaroq bo’lgan. 
Folklor uslubi yoki etno-uslub
. Zamonaviy kiyimda milliy va an’anaviy libos 
elementlarining ishlatilishi. Boshqacha qilib aytganda milliy libos asosida zamonaviy 
kiyimni uslublashtirish. Bunda libos ansambli butunlay yoki uning bir qismi 
uslublashtirilishi mumkin. Ba’zan esa modellarga an’anaviy libosning rosmana 
haqiqiy elementlari kiritilishi mumkin. 
Fontanj
– jingalak lokonlar va yuqoriga tugun qilib bog’lab ko’tarilgan va 
jamalak (jingalak), kraxmallangan qadalmadan iborat soch turmagi. 
Frak
– tanaga yopishib turuvchi, kengaygan etakli, tor yeng va uncha katta 
bo’lmagan stoyka yoqali kostum. 
Fundosi
– yapon erkaklarining tikilmagan bel kiyimi. 
Futano
– yapon ayollari ichki bel kiyimi, uzunligi tizzagacha tikilmagan yubka.
Gimatiy
– Qadimgi Yunonistonda eng keng tarqalgan ustki kiyim, ya’ni 
yopinchiqlar gimatiy deb atalgan. Gimatiylarning o’lchami 1,7x4 metr bo’lib, to’g’ri 
to’rtburchak shaklidadir. Gimatiylar inson tanasiga turli usulda o’ralib, burmalanib, 
yelkaga tashlanib mustahkamlanadigan yopinc hiqlardir. Matoning taxlanish, 
burmalanish, mustahkamlanish va o’ralish uslubiga ko’ra gematiylar turli xil 
ko’rinishda yaratilgan. Yelkaga tashlangan uchi sirg’alib ketmasligi uchun unga bir 

---

154
bo’lak og’ir metall mahkamlanib, ilib qo’yilgan. Spartada jun matosidan qilingan 
gimatiylar tanaga xitonsiz kiyilgan.
Girmizidon
– turkman erkaklarining ustki yelka kiyimi bo’lib, u to’y-
tantanalarda kiyiladigan xalat. 
Graffiti
– 1960-yillardagi pop-artning o’ziga xos yoshlar kiyimi uslubining 
davomidir. Yozgi maykalar, jinsi kostumlari kashta, «shahar folklori» mavzularidagi 
bosma rasmlar, bolalar chizgan rasmga o’xshatmalar, turli matnlar (tekstlar) va 
yozuvlar bilan bezaladi.